صوبے کے بیشتر علاقوں میں موسم خشک اور جزوی طور پر ابر آلود رہنے کی توقع ہے ،علاقائی موسمیاتی مرکز

بدھ 19 مارچ 2025 21:40

کوئٹہ (اُردو پوائنٹ اخبارتازہ ترین - اے پی پی۔ 19 مارچ2025ء) علاقائی موسمیاتی مرکز بلوچستان کے مطابق بدھ کو صوبے کے بیشتر علاقوں میں موسم خشک اور جزوی طور پر ابر آلود رہنے کی توقع ہے جبکہ جنوبی اور جنوب مشرقی حصوں میں گرم دن جبکہ بالائی اور شمالی پہاڑی علاقوں میں سرد راتیں رہیں گی۔ تاہم، شمال مشرقی اضلاع کے پہاڑی علاقوں میں مختلف مقامات پر ہلکی بوندا باندی اور بارش ہوسکتی ہے۔

(جاری ہے)

جمعرات کو صوبے کے بیشتر علاقوں میں موسم خشک اور جزوی ابر آلود رہنے کی توقع ہے جبکہ جنوبی اور جنوب مشرقی حصوں میں گرم دن جبکہ بالائی اور شمالی پہاڑی علاقوں میں ٹھنڈی سے سرد راتیں رہیں گی۔ تاہم، ضلع زیارت، کوئٹہ، بولان، بارکھان، شیرانی اور اس کے گردونواح کے پہاڑی علاقوں میں ہلکی بوندا باندی اور گرج چمک کے ساتھ بارش ہو سکتی ہے۔ گزشتہ 24 گھنٹوں کے دوران سب سے کم درجہ حرارت قلات میں 5 ڈگری سینٹی گریڈ ریکارڈ کیا گیا۔