ملک کے مختلف آبی ذخائر سے 53 ہزار کیوسک پانی کا اخراج رہا، ارسا

ہفتہ 22 مارچ 2025 17:45

اسلام آباد (اُردو پوائنٹ اخبارتازہ ترین - اے پی پی۔ 22 مارچ2025ء) انڈس ریور سسٹم اتھارٹی (ارسا) کی جانب سے ہفتہ کو ملک کے مختلف آبی ذخائر سے 53 ہزار کیوسک پانی چھوڑا گیا جبکہ پانی کی آمد 55 ہزار 800 کیوسک رہی ہے۔ارسا کے جاری کردہ اعداد و شمار کے مطابق دریائے سندھ پر تربیلا ڈیم کا ڈیڈ لیول 1402 فٹ ہے۔ ڈیم میں پانی کی آمد اور اخراج بالترتیب 16,300 کیوسک ریکارڈ کیا گیا۔

(جاری ہے)

دریائے جہلم پر منگلا ڈیم میں پانی کی سطح 1063.75 فٹ ہے جو اس کی ڈیڈ لیول 1050 فٹ سے 13.75 فٹ زیادہ ہے۔ پانی کی آمد اور اخراج بالترتیب 20,000 کیوسک اور 17,200 کیوسک ریکارڈ کی گئی۔ اسی طرح کالاباغ، تونسہ، گدو اور سکھر میں پانی کا اخراج بالترتیب 27 ہزار 200، 26 ہزار 400، 17 ہزار 100 اور 6 ہزار کیوسک ریکارڈ کیا گیا۔ دریائے کابل سے نوشہرہ کے مقام پر کل 10,300 کیوسک اور دریائے چناب سے مرالہ کے مقام پر 2,900 کیوسک پانی چھوڑا گیا۔