میں ڈرامے سائن کرنے سے گھبراتی ہوں،جنت مرزا

جنت مرزا اپنی سوشل میڈیا مقبولیت کے باعث ایک بڑی فین فالوئنگ رکھتی ہیں

پیر 24 مارچ 2025 11:57

میں ڈرامے سائن کرنے سے گھبراتی ہوں،جنت مرزا

لاہور(اُردو پوائنٹ اخبارتازہ ترین - این این آئی۔ 24 مارچ2025ء)پاکستان کی مشہور ٹک ٹاک اسٹار جنت مرزا اپنی سوشل میڈیا مقبولیت کے باعث ایک بڑی فین فالوئنگ رکھتی ہیں، وہ ناصرف ٹک ٹاک بلکہ انسٹاگرام پر بھی بے حد مقبول ہیں۔ان کی بہن علیشبا انجم بھی سوشل میڈیا اسٹار ہیں اور دونوں بہنیں مختلف تقریبات میں شرکت کے علاوہ برانڈز کی تشہیر بھی کرتی ہیں۔

(جاری ہے)

جنت مرزا نے فلمی دنیا میں بھی قدم رکھا اور معروف ہدایت کار سید نور کی فلم میں کام کیا، لیکن حیران کن طور پر انہوں نے کئی بڑے ڈرامے جیسے پری زاد اور ہم کہاں کے سچے تھے کرنے سے انکار کر دیا۔جنت مرزا حال ہی میں اپنے خاندان کے ساتھ ایک شو میں مہمان کے طور پر شریک ہوئیں، جہاں انہوں نے ڈراموں میں کام نہ کرنے کی اصل وجوہات بتائیں۔جنت مرزا نے انکشاف کیا کہ میں ڈرامے سائن کرنے سے گھبراتی ہوں کیونکہ مجھے ہوائی سفر کا خوف ہے، پاکستان میں تقریبا تمام بڑے ڈرامے کراچی میں شوٹ کیے جاتے ہیں اور وہاں جانے کے لیے پی آئی اے کی پرواز لینا پڑتی ہے، جو خوفزدہ کر دیتی ہے۔

انہوں نے بتایا کہ طیارہ حادثات دیکھ کر میں بہت زیادہ خوف میں مبتلا ہو چکی ہوں اور کسی بھی قیمت پر کراچی کا فضائی سفر نہیں کرنا چاہتی۔