زرعی یونیورسٹی پشاور کے سینٹ اور سنڈیکیٹ ممبرشپ انتخابات مکمل

پیر 24 مارچ 2025 12:14

پشاور (اُردو پوائنٹ اخبارتازہ ترین - اے پی پی۔ 24 مارچ2025ء) زرعی یونیورسٹی پشاور میں سینیٹ اور سنڈیکیٹ انتخابات کا انعقاد کیا گیا۔ انتخابات کی نگرانی الیکشن آفیسر ڈائریکٹر ایڈمنسٹریشن ڈاکٹر شعیب سلطان کررہے تھے۔

(جاری ہے)

سینیٹ میں پروفیسر ممبرشپ کے لئے ڈاکٹر ملک عنایت اللہ جان، اسوسی ایٹ پروفیسر ممبرشپ کے لئے ڈاکٹر محمد نعمان ، اسسٹنٹ پروفیسر کے لئے ڈاکٹر ارشد خان اور لیکچرار ممبرشپ کے لئے ڈاکٹر عبیدالرحمن کامیاب قرار پائے جبکہ سنڈیکیٹ میں پروفیسر ممبرشپ کے لئے ڈاکٹر شاہ عالم خان، اسوسی ایٹ پروفیسر ممبرشپ کے لئے ڈاکٹر محمد فیاض، اسسٹنٹ پروفیسر ممبرشپ کے لئے ڈاکٹر ماجد خان اور لیکچرار ممبرشپ کے لئے ڈاکٹر شہزاد خان کامیاب قرار پائے۔

اس موقع پر وائس چانسلر پروفیسر ایمرئٹس ڈاکٹر جہان بخت اور الیکشن آفیسر ڈاکٹر شعیب سلطان، فیکلٹی ڈینز ، شعبہ جات کے سربراہان ، فیکلٹی ، انتظامی آفسران سمیت یونیورسٹی کے جملہ ملازمین نے منتخب ممبران کو مبارکباد پیش کی اور امید ظاہر کی کہ وہ یونیورسٹی کی ترقی اور فلاح کے لئے اپنا کردار ادا کریں گے.