خیبرپختونخوا میں آندھی /گرج چمک کے ساتھ وقفے وقفے سے بارش جبکہ بالائی علاقوں میں موسلاھار بارش کا امکان ہے ، محکمہ موسمیات

پیر 24 مارچ 2025 17:35

پشاور (اُردو پوائنٹ اخبارتازہ ترین - اے پی پی۔ 24 مارچ2025ء) صوبہ خیبرپختونخوا کے بالائی اضلاع میں رات کو مغربی ہواؤں کا سلسلہ داخل ہو گا جو کہ 25 سے 27 مارچ تک بالائی او وسطی علاقوں پر اثر انداز ہو گا۔

(جاری ہے)

پی ڈی ایم اےکے مطابق اس دوران آندھی /گرج چمک کے ساتھ وقفے وقفے سے بارش جبکہ بالائی علاقوں میں موسلاھار بارش کا امکان ہے بارشوں کا یہ سلسلہ 25 مارچ سے 27 مارچ تک جاری رہنے کی پیشگوئی کی گئی ہے اس دوران چترال، دیر، سوات، کوہستان، شانگلہ، بٹگرام، مانسہرہ، ایبٹ آباد، ہری پور، مالاکنڈ، بونیر، باجوڑ، مہمند، خیبر، اورکزئی، کرم، وزیرستان، پشاور، چارسدہ، نوشہرہ، صوابی، بنوں، کرک اور کوہاٹ میں گرج چمک کے ساتھ وقفے وقفے سے بارش جبکہ پہاڑوں پر برفباری کا امکان ہے۔

پی ڈی ایم اے کی جانب سے تمام ضلعی انتظامیہ کو بارشوں باعث کسی بھی ناخوشگوار واقعے سے پیشگی نمٹنے کے لیے مراسلہ جاری کردیا گیا ہے جبکہ کسی بھی نا خوشگوار واقعے سے پیشگی نمٹنے کے لئے ضلعی انتظامیہ کو چھوٹی بڑی مشینری کی دستیابی یقینی بنانے کی بھی ہدایت کی گئی ہے۔