بھارت ،جھارکھنڈ اور چھتیس گڑھ میں بارودی سرنگ کے دھماکوں میں بھارتی فورسز کا افسر ہلاک، تین اہلکار زخمی

پیر 24 مارچ 2025 19:24

اسلام آباد (اُردو پوائنٹ اخبارتازہ ترین - اے پی پی۔ 24 مارچ2025ء) بھارت کی شورش زدہ ریاستوں جھارکھنڈ اور چھتیس گڑھ میں بارودی سرنگ کے دو الگ الگ دھماکوں میں پیراملٹری سینٹرل ریزرو پولیس فورسز کا ایک افسر ہلاک، تین اہلکار زخمی ہوگئے۔

(جاری ہے)

کشمیر میڈیا سروس کے مطابق جھارکھنڈ کے مغربی ضلع سنگھ بھوم میں مارنگ پونگا کے جنگلاتی علاقے میں بارودی سرنگ کے ایک دھماکے میں سی آر پی ایف کاسب انسپکٹر سنیل کمار منڈل اورہیڈ کانسٹیبل پارتھ پریتم دے شدید زخمی ہوئے ۔

سب انسپکٹر نے بعد میں زخموں کی تاب نہ لاتے ہوئے دم توڑ دیا۔ دریں اثناء چھتیس گڑھ کے ضلع بیجا پورمیں بارودی سرنگ کے ایک اوردھماکے میں پولیس کی اسپیشل ٹاسک فورس کے دو اہلکار زخمی ہو گئے۔ بارودی سرنگ مائونوازوں گوریلوں نے بچھائی تھی ۔