ةسنٹرل پولیس آفس: آئی جی پنجاب ڈاکٹر عثمان انور سے پولیس ملازمین اور انکے اہلخانہ کی ملاقات

پیر 24 مارچ 2025 21:25

ّلاہور (اُردو پوائنٹ اخبارتازہ ترین - آن لائن۔ 24 مارچ2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور انکے اہلخانہ نے سنٹرل پولیس آفس میں ملاقات کی۔ آئی جی پنجاب نے پولیس ملازمین کے مسائل سنے اور فوری ریلیف کیلئے احکامات جاری کیے۔ تفصیلات کے مطابق ڈی ایس پی صولت بتول کی ٹرانسفر کی درخواست پر ڈی آئی جی ہیڈ کوارٹرز کو ریلیف کی ہدایت کی۔

(جاری ہے)

انسپکٹر طاہر جاوید اسلم کی پروموشن کی درخواست پر سی پی او فیصل آباد کو ریلیف کا حکم دیا۔ٹریفک وارڈن شہباز کی درخواست پر ایس پی انوسٹی گیشن شیخوپورہ کو ریلیف کا حکم دیا۔ غازی کانسٹیبل طاہر صدیق کی درخواستوں پر ڈی آئی جی ویلفیئر اینڈ فنانس اور ڈی آئی جی ایڈمن لاہور کو ریلیف کی ہدایات کی۔آئی جی پنجاب ڈاکٹر عثمان انور نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کئے۔