ڈی آئی جی ٹریفک نے چاند رات تک ٹریفک قوانین کی معمولی خلاف ورزیوں پر چالان نہ کرنے کا اعلان کردیا

عید کی رات شہر میں ٹریفک پولیس اہلکار کوئی گاڑی اور موٹرسائیکل کی لفٹنگ نہیں کریں گے،ڈی آئی جی ٹریفک پیر محمد شاہ

بدھ 26 مارچ 2025 17:24

کراچی(اُردو پوائنٹ اخبارتازہ ترین - این این آئی۔ 26 مارچ2025ء) ڈی آئی جی ٹریفک نے چاند رات تک ٹریفک قوانین کی معمولی خلاف ورزیوں پر چالان نہ کرنے کا اعلان کردیا۔تفصیلات کے مطابق ڈی آئی جی ٹریفک پیر محمد شاہ نے اعلان کیا بدھ 26 مارچ سے عید کی چاند رات تک ٹریفک پولیس کہی کسی چوک پر چالان نہیں کرے گی۔

(جاری ہے)

پیر محمد شاہ نے کہا کہ بدھ سے عید کی رات شہر میں ٹریفک پولیس اہلکار کوئی گاڑی اور موٹرسائیکل کی لفٹنگ نہیں کریں گے او سگنکز پر ٹریفک چالان اور گاڑی موٹر سائیکل کی لفٹنگ عارضی طور پر معطل رہے گی لیکن عملہ اسٹینڈ بائی رہے گا۔

آل صدر الائنس آف مارکیٹ کے صدر فہیم نوری کو یقین دہانی کرائی گئی کہ عید تک کوئی گاڑی کسی بھی جگہ سے لفٹ نہیں ہوگی۔فہیم نوری نے کہا کہ عوام کی سہولت کے لیے ڈی آئی جی ٹریفک کے اعلانات کا کا شکریہ ادا کرتے ہیں ، شاپنگ سینٹرز اور بازاروں میں آنے والی عوام گاڑیاں اور موٹرسائکلیں پارکنگ مقامات پر کھڑی کریں۔