پنجاب میں مطلع جزوی طور پرابر آلود رہنے و گرج چمک کے ساتھ بارش کا امکان

بدھ 26 مارچ 2025 23:27

لاہور (اُردو پوائنٹ اخبارتازہ ترین - اے پی پی۔ 26 مارچ2025ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران لاہور سمیت پنجاب کے متعدد اضلاع میں مطلع جزوی ابر آلود رہنے کے علاوہ حافظ آباد، گوجرانوالہ، منڈی بہائوالدین، گجرات، سیالکوٹ، نارووال، لاہور، شیخوپورہ، میانوالی، خوشاب، سرگودھا اور گردونواح میں چند مقامات پر تیز ہوائوں/آندھی و گرج چمک کے ساتھ بارش کا امکان ہے ۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران حافظ آباد، گوجرانوالہ، منڈی بہائوالدین، گجرات، سیالکوٹ، نارووال، لاہور، شیخوپورہ، فیصل آباد، بھکر، لیہ، تونسہ، ڈیرہ غازی خان، میانوالی، خوشاب، سرگودھا اور گردونواح میں چند مقامات پر تیز ہوائوں/آندھی اور گرج چمک کے ساتھ بارش ہوئی۔لاہور میں کم سے کم درجہ حرارت 21اور زیادہ سے زیادہ 33سینٹی گریڈ ریکارڈ کیا گیا جبکہ ہوا میں نمی کا تناسب 26فیصدرہا۔لا ہور میں آلودگی کی مجموعی شرح 155فیصد جبکہ شہر کے مختلف علاقوں میں ایئر کولٹی انڈیکس عسکری ٹین 157,ذکی فارمز 169،ہائکنگ اینڈ مونٹینی 164،یانی ہوم،158،پولو گرائونڈ 127،فیز8ڈی ایچ اے157اور ڈائمنڈ پینٹس 169ایئر کوالٹی انڈیکس ریکارڈ کیا گیا۔