سرگودھا پولیس کی جرائم پیشہ عناصر کے خلاف کارروائی، 5 ملزمان گرفتار

جمعرات 27 مارچ 2025 19:24

سرگودھا (اُردو پوائنٹ اخبارتازہ ترین - اے پی پی۔ 27 مارچ2025ء) سرگودھا پولیس نے جرائم پیشہ عناصر کے خلاف کاروائی کرتے ہوئے 5 ملزمان کو گرفتار کرلیا ۔ ڈسٹرکٹ پولیس آفیسرسرگودھا محمد صہیب اشرف کی ہدایت پرتھانہ شاہ پور سٹی پولیس نے 8 لاکھ 50 روپے کا مال مسروقہ برآمد کرلیا ۔ایس ایچ او تھانہ شاہ پورسٹی اسد حیات بھوانہ نے ٹیم کے ہمراہ کامیاب کاروائی کرتے ہوئے چوری کے مقدمہ میں ملوث 3 ملزمان کو گرفتارکر لیا، گرفتار ملزمان شاہ زین، وسیم اور آفتاب کے قبضہ سے نقدی 7 لاکھ روپے اور سونا مالیت دیڑھ لاکھ روپے برآمد کر لیا برآمدشدہ مالِ مسروقہ بعد از قانونی کاروائی اصل مالکان کے حوالے کر دیا گیا۔

علاوہ ازیں عید الفطر کے موقع پر کی جانے والے شراب کی بھاری سپلائی ناکام بنا دی گئی۔

(جاری ہے)

تھانہ ساہیوال پولیس نے کامیاب کاروائی کرتے ہوئے شراب فروشی میں ملوث 2 ملزمان گرفتار کر لیے گرفتار ملزمان کے قبضہ سے شراب 200 بوتل، چرس 520 گرام اور پسٹل 30 بور برآمد کر لیا گیا ملزمان کے خلاف امتناع منشیات کی دفعات کے تحت مقدمات درج کر لیے گئے ملزمان یہ شراب عید الفطر کے موقع پر سرگودھا کے مختلف علاقوں میں سپلائی کرنا تھی منشیات فروشوں کے خلاف بلا تفریق کاروائیاں جاری رہیں گی، ڈی پی او منشیات فروشوں اور انکی پشت پناہی کرنے والوں کے خلاف سرگودھا پولیس کا کریک ڈاؤن جاری رہے گا۔