تھیٹر فن و ثقافت کا آئینہ دار ہے، تھیٹر معاشرتی اقدار کی عکاسی اور شعور بھی فراہم کرتا ہے‘مریم نواز شریف

پنجاب حکومت صوبائی وزیر عظمی زاہد بخاری کی سربراہی میں تھیٹر کی اپ گریڈیشن کیلئے انقلابی اقدامات کررہی ہے

جمعرات 27 مارچ 2025 20:00

تھیٹر فن و ثقافت کا آئینہ دار ہے، تھیٹر معاشرتی اقدار کی عکاسی اور شعور ..

لاہور (اُردو پوائنٹ اخبارتازہ ترین - این این آئی۔ 27 مارچ2025ء)وزیر اعلیٰ پنجاب مریم نواز شریف نے تھیٹر کے عالمی دن پر اپنے پیغام میں کہا ہے کہ تھیٹر فن و ثقافت کا آئینہ دار ہے،تھیٹر معاشرتی اقدار کی عکاسی اور شعور بھی فراہم کرتا ہے، باشعور اور ترقی یافتہ معاشرے میں معیاری تھیٹر کو باوقار مقام حاصل ہوتا ہے۔وزیراعلی مریم نوازشریف نے کہا کہ پنجاب حکومت صوبائی وزیر اطلاعات و ثقافت عظمی زاہد بخاری کی سربراہی میں تھیٹر کی اپ گریڈیشن کے لئے انقلابی اقدامات کررہی ہے۔

(جاری ہے)

وزیراعلی مریم نوازشریف نے کہا کہ پنجاب حکومت تھیٹر کی اپ گریڈیشن کیلئے اقدامات کر رہی ہے۔ تھیٹر کو مثبت اور باوقار تفریح کا ذریعہ بنانے کیلئے اقدامات کئے جارہے ہیں۔ فنکاروں کی فلاح و بہبود کے لئے آرٹسٹ فنڈ قائم کر دیا گیا ہے۔ فن اور فنکار کی فلاح وبہبود ترجیحات میں شامل ہے۔ وزیراعلی مریم نوازشریف نے کہا کہ تھیٹر کو بحال کر کے فن و ثقافت کی ترویج کیلئے بہترین ذریعہ بنائیں گے۔ تھیٹر پاکستان کے مثبت تشخص اور تہذیبی ورثے کے فروغ میں نمایاں کردار ادا کرسکتا ہے۔