اعظم نذیر تارڑ سے آسٹریلین ہائی کمشنر نیل ہاکنز کی ملاقات، منرلز کانفرنس میں شرکت کی خواہش کا اظہار

ملاقات کے دوران ہائی کمشنر نیل ہاکنز کا حالیہ سکیورٹی صورتحال پر گفتگو کرتے ہوئے جعفر ایکسپریس واقعہ پر افسوس کا اظہار

جمعہ 28 مارچ 2025 17:07

اعظم نذیر تارڑ سے آسٹریلین ہائی کمشنر نیل ہاکنز کی ملاقات، منرلز کانفرنس ..

اسلام آباد(اُردو پوائنٹ اخبارتازہ ترین - این این آئی۔ 28 مارچ2025ء)وفاقی وزیر قانون اعظم نذیر تارڑ سے آسٹریلین ہائی کمشنر نیل ہاکنز نے ملاقات کی۔ترجمان کے مطابق ملاقات میں دوطرفہ تعلقات، باہمی دلچسپی کے امور اور سیکورٹی صورتحال پر تبادلہ خیال کیا گیا۔ملاقات کے دوران ہائی کمشنر نیل ہاکنز نے حالیہ سکیورٹی صورتحال پر گفتگو کرتے ہوئے جعفر ایکسپریس واقعہ پر افسوس کا اظہار کیا۔

انہوں نے بتایا کہ آسٹریلوی حکومت بلوچستان میں مائننگ کے شعبے میں دلچسپی رکھتی ہے اور اس حوالے سے منعقد ہونے والی منرلز کانفرنس میں شرکت کی خواہاں ہے۔ اس موقع پر وزیر قانون اعظم نذیر تارڑ نے یقین دلایا کہ وفاقی حکومت اس شعبے میں سرمایہ کاری اور ترقی کیلئے بھرپور اقدامات کر رہی ہے جبکہ معیشت کو مستحکم بنانا حکومت کی اولین ترجیح ہے۔

(جاری ہے)

ملاقات میں انسانی حقوق اور ان کے تحفظ کے حوالے سے بھی تفصیلی تبادلہ خیال ہوا۔ آسٹریلین ہائی کمشنر نے وزیر قانون کی بطور وزیر انسانی حقوق کی گئی کاوشوں کو سراہا اور قومی کمیشن برائے انسانی حقوق کے حوالے سے پیش رفت کا خیر مقدم کیا۔مزید برآں، ملاقات میں قانونی معاملات پر بھی بات چیت کی گئی جس میں دوطرفہ تعاون کے امکانات اور عدالتی نظام کے حوالے سے اقدامات پر غور کیا گیا۔