وفاقی وزیر داخلہ محسن نقوی کا قلات میں کامیاب انٹیلیجنس بیسڈ آپریشن پر سیکیورٹی فورسز کو خراج تحسین پیش

اتوار 30 مارچ 2025 00:20

اسلام آباد (اُردو پوائنٹ اخبارتازہ ترین - اے پی پی۔ 30 مارچ2025ء) وفاقی وزیر داخلہ محسن نقوی نے قلات میں کامیاب انٹیلیجنس بیسڈ آپریشن پر سیکیورٹی فورسز کو خراج تحسین پیش کیا۔اپنے بیان میں وزیر داخلہ محسن نقوی نے کہا کہ پاکستان کی بہادر سکیورٹی فورسز نے بروقت آپریشن کرکے 6 دہشتگردوں کو عبرتناک انجام تک پہنچایا۔

(جاری ہے)

بلوچستان میں قیام امن کیلئے سکیورٹی فورسز کے اقدامات کو سراہتے ہیں۔ محسن نقوی نے کہا کہ سکیورٹی فورسز بہادری کے ساتھ دشمنوں کا صفایا کر رہی ہیں۔ قوم کو سکیورٹی فورسز کی کامیابیوں اور پیشہ وارانہ صلاحیتوں پر فخر ہے ۔پاکستان میں امن دشمنوں کے لئے کوئی جگہ نہیں۔ بروقت آپریشن سے ملک دشمنوں کے عزائم خاک میں مل گئے۔