ؔپنجاب پولیس رحیم یارخان کا پکا چانڈیہ، داعوالہ سمیت کچہ سے ملحقہ علاقوں میں انٹیلی جنس بیسڈ سرچ آپریشن

رحیم یار خان پولیس نے سرچ اینڈ سویپ آپریشن کے دوران کچہ کریمنلز کے 02 سہولت کار گرفتار کر لئے، ٹھکانے مسمار،* ترجمان پنجاب پولیس

بدھ 2 اپریل 2025 21:00

ٌلاہور/رحیم یار خان (اُردو پوائنٹ اخبارتازہ ترین - آن لائن۔ 02 اپریل2025ء) پنجاب پولیس رحیم یارخان نے پکا چانڈیہ اور داعوالہ سمیت کچہ سے ملحقہ علاقوں میں انٹیلی جنس بیسڈ سرچ آپریشن جاری ہیں۔ رحیم یار خان پولیس نے سرچ اینڈ سویپ آپریشن کے دوران کچہ کریمنلز کے 02 سہولت کار گرفتار کر لئے اور انکے ٹھکانے مسمار کر دئیے۔

(جاری ہے)

ترجمان پنجاب پولیس نے تفصیلات بتاتے ہوئے کہا کہ سرچ آپریشن ڈاکوؤں کی سہولت کاری میں ملوث مشکوک افراد کے خلاف کیا جا ریا ہے۔

پولیس آپریشن میں اے ایس پی صادق آباد کی نگرانی میں ایچ اوز کوٹسبزل، بھونگ، احمدپور لمہ سمیت ایلیٹ کمانڈوز اور پولیس کی بھاری نفری حصہ لے رہی ہے۔ پولیس کو بکتر بند و بلٹ پروف گاڑیوں کی مدد حاصل ہے۔ آئی جی پنجاب ڈاکٹر عثمان انور نے کہا کہ علاقے میں پائیدار امن کے قیام کے لئے کچہ کریمنلز کے سہولت کاروں کو منطقی انجام تک پہنچائیں۔