لاہور میں 3 روزہ میلہ بہاراں 4 اپریل کو شروع ہو گا

جمعرات 3 اپریل 2025 16:55

لاہور (اُردو پوائنٹ اخبارتازہ ترین - اے پی پی۔ 03 اپریل2025ء) والڈ سٹی آف لاہور اتھارٹی کے زیر اہتمام 3 روزہ میلہ بہاراں 4 اپریل کو شروع ہو گا ۔ والڈسٹی اتھارٹی کے ترجمان کے مطابق تاریخی شاہی گزرگاہ پر منعقد ہونے والے ’’میلہ بہاراں ‘‘ میں فری انٹری ہو گی ۔ فیملیز کے لئے مخصوص میلہ شام 6 سے رات 11 بجے کے درمیان لگے گا ۔

(جاری ہے)

انہوں نے بتایاکہ شاہی گزرگاہ پر موسم بہار پریڈ جمعہ اور ہفتہ کو شام6بجے ہو گی،کوچہ حسین شاہ میں فن فنکار لوک موسیقی کا مظاہرہ کریں گے جبکہ مقامی دستکاریوں اور پرفارمنس کی نمائش گلی سرجن سنگھ سبیل والی گلی میں لگے گی، مسجد وزیر خان چوک میں میلہ بہاراں کی مناسبت سے مینا بازار لگے گا،میلے میں مختلف پرفارمنسز، ورکشاپس کے ساتھ ساتھ نمائشیں بھی منعقد کی جائیں گی، میلہ بہاراں میں پنجابی بولیاں، پتلی تماشا، لائیو میوزک اور داستان گوئی کے پروگرامز بھی منعقد ہوں گے ۔

ڈی جی والڈ سٹی کامران لاشاری نے کہاکہ میلہ بہاراں سے عوام کو تفریح کے بھرپور مواقع ملیں گے۔