رواں مالی سال کے 9 ماہ میں تجارتی خسارہ 17 ارب 89 کروڑ 90 لاکھ روپے ریکارڈ

تجارتی خسارہ کافی بڑھ گیا ہے، جولائی تا مارچ سالانہ بنیادوں پر تجارتی خسارے میں 4.50 فیصد اضافہ ریکارڈ کیا گیا ہے، ادارہ شماریات

جمعرات 3 اپریل 2025 20:30

ت* اسلام آباد(اُردو پوائنٹ اخبارتازہ ترین - آن لائن۔ 03 اپریل2025ء) رواں مالی سال کے 9 ماہ میں تجارتی خسارہ 17 ارب 89 کروڑ 90 لاکھ روپے ریکارڈ کیا گیا، اعداد و شمار جاری کردیے گئے۔

(جاری ہے)

تفصیلات کے مطابق ادارہ شماریات کی جانب سے ماہانہ تجارتی اعداد و شمار جاری کردیے گئے ہیں، رواں مالی سال کے 9 ماہ میں تجارتی خسارہ کافی بڑھ گیا ہے، جولائی تا مارچ سالانہ بنیادوں پر تجارتی خسارے میں 4.50 فیصد اضافہ ریکارڈ کیا گیا ہے۔

ادارہ شماریات نے بتایا کہ جولائی تا مارچ برآمدات 24 ارب 69 کروڑ ڈالرز رہیں، درآمدات کا حجم 42 ارب 58 کروڑ 90 لاکھ ڈالرز رہا۔مارچ میں برآمدات کا حجم 2 ارب 61 کروڑ 70 لاکھ ڈالرز رہا، مارچ میں درآمدات کا مجموعی حجم 4 ارب 73 کروڑ 60 لاکھ ڈالرز رہا۔وفاقی ادارہ شماریات کی جانب سے مزید بتایا گیا کہ رواں سال مارچ میں تجارتی خسارہ 2 ارب 11 کروڑ 90 لاکھ ڈالرز رہا۔