پشاور ہائیکورٹ، لاپتہ چار بھائیوں کے کیس کی فوری سماعت کی حکومتی درخواست مسترد

ایسی کیا ایمرجنسی ہے جو فوری سماعت کی درخواست دی ، قائمقام چیف جسٹس

جمعہ 4 اپریل 2025 20:40

پشاور ہائیکورٹ، لاپتہ چار بھائیوں کے کیس کی فوری سماعت کی حکومتی درخواست ..

پشاور (اُردو پوائنٹ اخبارتازہ ترین - این این آئی۔ 04 اپریل2025ء)پشاور ہائیکورٹ نے حیات آباد سے لاپتہ چار بھائیوں کے کیس کو جلد سماعت کے لیے مقرر کرنے کی صوبائی حکومت کی درخواست مسترد کر دی۔

(جاری ہے)

جمعہ کو قائمقام چیف جسٹس ایس ایم عتیق شاہ کی سربراہی میں کیس کی سماعت ہوئی، جس میں عدالت نے استفسار کیا کہ کیس میں ایسی کیا ایمرجنسی ہے کہ ایڈوکیٹ جنرل آفس نے جلد سماعت کے لیے درخواست دائر کی۔

ایڈیشنل ایڈوکیٹ جنرل نے مو قف اپنایا کیا کہ چونکہ کیس کے لیے کوئی تاریخ مقرر نہیں تھی، اس لیے درخواست دائر کی گئی۔ تاہم، عدالت نے استفسار کیا کہ درخواست کس بنیاد پر دائر کی گئی ہے اور بعد ازاں اسے مسترد کر دیا۔واضح رہے کہ حیات آباد پشاور سے گزشتہ سال چار بھائی لاپتہ ہوئے تھے جن کا کیس پشاور ہائیکورٹ میں زیر سماعت ہے۔