پی ایس ایل کی مارکیٹنگ ٹیم کا ’کارنامہ‘، حسن علی کو "لیفٹ آرم بالر" بنا ڈالا

شائقین کرکٹ جوش بڑھانے کی تیاری میں مارکیٹنگ ٹیم کی غلطی سوشل میڈیا پر وائرل

ذیشان مہتاب ہفتہ 5 اپریل 2025 12:05

پی ایس ایل کی مارکیٹنگ ٹیم کا ’کارنامہ‘، حسن علی کو "لیفٹ آرم بالر" ..

لاہور (اردو پوائنٹ تازہ ترین اخبار ۔ 5 اپریل 2025ء ) پاکستان سپر لیگ (پی ایس ایل) 10 میں کراچی کنگز کی نمائندگی کرنیوالے فاسٹ بولر حسن علی کو پی سی بی کی مارکیٹنگ ٹیم نے لیفٹ آرم بالر بنا ڈالا۔

نیشنل بینک سٹیڈیم ، کراچی کے باہر پاکستان سپر لیگ (پی ایس ایل) کے 10ویں ایڈیشن کے آغاز سے قبل کھلاڑیوں کے کارڈ ہولڈنگ نصب کیے گئے ہیں تاکہ شائقین کرکٹ میں جوش کو بڑھایا جاسکے۔

(جاری ہے)

تاہم پی سی بی کی مارکیٹنگ ٹیم نے 30 سالہ حسن علی کو رائٹ آرم فاسٹ بولر کی جگہ لیفٹ آرم بالنگ کرواتے ہوئے کارڈ ہولڈنگ نصب کیا ہے جس پر فینز اپنے تبصرے کر رہے ہیں۔

سوشل میڈیا پلیٹ فارمز پر مارکیٹنگ ٹیم کی غلطی کا خوب مذاق بنایا جارہا ہے۔

ادھر پاکستان کرکٹ بورڈ (پی سی بی) نے 10ویں ایڈیشن کے آغاز سے قبل نئی ٹیکنالوجی متعارف کروا دی ہے، جس سے امپائرز کو نو بال، ڈی آر ایس، امپائرز کی لائیو کمیونیکیشن، مختلف زاویوں سے ری پلے کی سہولت میسر ہوسکے گی۔

واضح رہے کہ اس سال پاکستان سپر لیگ سیزن 10 کا آغاز 11 اپریل سے ہوگا، یہ ایونٹ 18 مئی تک کراچی، لاہور، ملتان اور راولپنڈی میں منعقد ہوگا۔