سرحد چیمبر آف کامرس اینڈ انڈسٹری کا وزیراعظم کی جانب سے بجلی کی قیمتوں میں کمی کے فیصلے کا خیرمقدم

ہفتہ 5 اپریل 2025 19:42

اسلام آباد (اُردو پوائنٹ اخبارتازہ ترین - این این آئی۔ 05 اپریل2025ء)سرحد چیمبر آف کامرس اینڈ انڈسٹری (ایس سی سی آئی) نے وزیراعظم کی جانب سے بجلی کی قیمتوں میں کمی کے فیصلے کا خیرمقدم کیا ہے ۔صدر ایس سی سی آئی نے اپنے بیان میں کہاکہ گھریلو اور صنعتی صارفین کے لئے بجلی کی قیمتوں میں کمی بڑا عوامی ریلیف ہے۔

(جاری ہے)

انہوںنے کہاکہ وزیراعظم شہباز شریف کے شکر گذار ہیں جنہوں نے گھریلو صارفین کے لئے 7.41 روپے اور صنعتی صارفین کے لئے 7.69 روپے فی یونٹ بجلی کی قیمتوں میں کمی کی۔انہوںنے کہاکہ وزیراعظم نے بجلی کی قیمتوں میں کمی کے لئے طویل جنگ لڑی، صنعتی اور گھریلو صارفین بجلی کی قیمتوں میں کمی کا بھرپور فائدہ اٹھائیں گے۔انہوںنے کہاکہ امید ہے اب بجلی کی لوڈ شیڈنگ میں بھی کمی ہوگی۔