ؤتبلیغی جماعت کا ششماہی اجتماع 8اپریل کو رائے ونڈ میں شروع ہوگا ،13اپریل کو اختتامی دعا ہو گی

اتوار 6 اپریل 2025 19:05

رائے ونڈ (اُردو پوائنٹ اخبارتازہ ترین - آن لائن۔ 06 اپریل2025ء)تبلیغی جماعت کا ششماہی اجتماع 8اپریل کو رائے ونڈ میں شروع ہوگا ،13اپریل کو اختتامی دعا ہو گی ۔اس اجتماع میں صرف تبلیغی جماعت میں چار ماہ لگانے والے افراد اور ایک سال گزارنے والے علمائے کرام شریک ہو سکیں گے۔

(جاری ہے)

تفصیلات کے مطابق تبلیغی جماعت کا ششماہی اجتماع (پرانے کارکنا ن کا جوڑ )8اپریل بعداز نماز عصر شروع ہوگا جس میں تبلیغی اکابرین دنیا بھر سے شرکت کررہے ہیں اس جوڑ میںملک بھر میں دعوت وتبلیغ کی خدمات سرانجام دینے والے تمام پرانے کارکنان خصوصی طور پر شرکت کررہے ہیں جو عالمی سالانہ اجتماع کے بعد ہونیوالی اپنی کارگزاری سے تبلیغی اکابرین کو آگاہ کرینگے ،پرانے ساتھیوں کے علاوہ اس جوڑ میں عام لوگوں کو شرکت کی دعوت نہیں دی گئی ،ششماہی اجتماع کی اختتامی دعا 13اپریل اتوار کو صبح 8بجے ہوگی ،شرکاء اجتماع کیلئے انتظامیہ کی جانب سے خصوصی انتظامات مکمل کرلئے گئے ہیں پولیس کی اضافی نفری تعینات ہو گی جبکہ تمام صوبائی محکمہ جات اپنی ڈیوٹی بھی سرانجام دینگے ،اسسٹنٹ کمشنر رائے ونڈ ذوہیب ممتاز نے تبلیغی اکابرین سے خصوصی ملاقات کے بعد تمام متعلقہ محکمہ جات کوہدایات جاری کردی ہیں ۔