Live Updates

عمران خان کی رہائی ملکی مسائل کے حل میں ہے، شاہد خاقان عباسی

ملکی معیشت کا حل بھی آئین کی بالادستی میں ہے، جب تک سیاست میں نفاق رہے گا ملک ترقی نہیں کر سکتا، جس ملک میں قانون کی حکمرانی نہ ہو وہ ملک ترقی نہیں کر سکتا ،رہنماءعوام پاکستان پارٹی کی میڈیا سے گفتگو

فیصل علوی پیر 7 اپریل 2025 13:50

عمران خان کی رہائی ملکی مسائل کے حل میں ہے، شاہد خاقان عباسی

جہلم(اردوپوائنٹ اخبار تازہ ترین۔07اپریل 2025)عوام پاکستان پارٹی کے رہنماء شاہد خاقان عباسی کا کہنا ہے کہ بانی پی ٹی آئی عمران خان کی رہائی کسی بھی سیاسی جماعت کا مقصد نہیں ہوسکتا، عمران خان کی رہائی ملکی مسائل کے حل میں ہے،ملکی معیشت کا حل بھی آئین کی بالادستی میں ہے،جب تک سیاست میں نفاق رہے گا ملک ترقی نہیں کر سکتا، جہلم میں میڈیا سے گفتگو کرتے ہوئے رہنماء عوام پاکستان پارٹی نے کہا کہ ہمیں سیاسی دشمنیوں کو ختم کرنا پڑے گا۔

وہ ملک ترقی نہیں کر سکتا جس میں قانون کی حکمرانی نہ ہو۔ہمیشہ ملک کی بات کریں۔ ملکی سیاست اور ملک کی بہتری کی بات کریں۔ ملک میں سیاسی استحکام نہ ہونے کی وجہ سے سیاسی ماحول کو نفرت میں بدل دیا گیا ہے۔انہوں نے کہا کہ میری کوشش ہے کہ اپوزیشن کی سوچ کو اکٹھا کی جائے۔

(جاری ہے)

اپوزیشن ملکی سیاست کا انتہائی اہم حصہ ہوتی ہے۔سیاست اپوزیشن اور حکومت سے ہوتی ہے۔

ہمیں آپس کے اختلافات کو ختم کرنا ہوگا۔پچھلے ایک سال میں حکومتی کارکردگی سامنے ہے جبکہ اپوزیشن کی کارکردگی بھی بالکل صفر ہے۔ ایک سوال کے جواب میں سابق وزیراعظم شاہد خاقان عباسی کا یہ بھی کہنا تھا کہ آج بلوچستان کی صورتحال حکومت کی عدم توجہ کی وجہ سے ہے۔واضح رہے کہ اس سے قبل عوام پاکستان پارٹی کے رہنماءشاہد خاقان عباسی کا کہنا تھا کہ 3 بڑی جماعتیں اقتدار میں آنے کے باوجود ملک نہیں چلا سکیں تھیں۔

اس سے ثابت ہوتا تھا کہ پاکستان میں سیاست ناکام رہی تھی۔ یہ عوام کی نہیں بلکہ اس ملک کی لیڈرشپ کی ناکامی تھی۔صوابی میں جلسے سے خطاب میں شاہد خاقان عباسی کا کہنا تھا کہ آج ملک کی جو صورتحال تھی وہ سب کے سامنے تھی۔ ان کا کہنا تھا کہ اقتدار میں موجود لوگوں کی باتیں سن کر ہنسی آتی تھی۔ سیاسی مفادات کےلئے ہم نے نوجوانوں کا مستقبل داﺅ پرلگا دیا تھا۔

موجودہ حکمران عوام کے ووٹوں سے نہیں آئے تھے اس لئے مسائل قابو میں نہیں آرہے تھے۔ان کاکہنا تھا کہ بتایا جائے کہ خیبر پختونخوا ہ میں 12سال سے پی ٹی آئی کی حکومت تھی وہاں کیا حالت بہتر ہوئے؟ صوبے کا وزیراعلیٰ اور گورنر اپنے گھر جانے کے قابل نہیں ۔ عوام کو معاشی دلدل سے نکالنے کےلئے آئین اور قانون کا راستہ اپنانا ہوگا۔ سندھ میں 17سالوں سے پیپلزپارٹی کی حکومت تھی۔کراچی شہر کی 40 فیصد آبادی کے گھر پانی نہیں آتا تھا۔