کوٹ نجیب اﷲ پولیس نے ایک کارروائی میں چمبہ پنڈ قتل کیس میں ملوث ملزم کو گرفتار کر لیا

منگل 8 اپریل 2025 13:56

ہری پور (اُردو پوائنٹ اخبارتازہ ترین - اے پی پی۔ 08 اپریل2025ء) کوٹ نجیب اﷲ پولیس نے ایک کارروائی میں چمبہ پنڈ قتل کیس میں ملوث ملزم کو قلیل وقت میں گرفتار کر لیا۔ ڈی پی او ہری پور فرحان خان کی ہدایت پر ہری پور پولیس کا جرائم پیشہ عناصر کے خلاف کارروائیوں کا سلسلہ جاری ہے۔ تھانہ کوٹ نجیب اﷲ کی حدود میں گذشتہ رات مقتول وقار احمد کو نامعلوم ملزم نے آتشی اسلحہ کے ساتھ زخمی کیا جو بعد ازاں زخموں کی تاب نہ لاتے ہوئے خالق حقیقی سے جا ملا۔

(جاری ہے)

مدعی ذوالفقار کی مدعیت میں نامعلوم ملزم کے خلاف زیر دفعہ 302 تعزیرات پاکستان کے تحت مقدمہ درج کیا۔ ایس ایچ او تھانہ کوٹ نجیب اﷲ انسپکٹر دلپزیر خان نے انچارج چوکی رضوان شہید طارق سلیم اور تفتیشی سٹاف کے ہمراہ ڈی ایس پی سرکل خانپور محمد عارف کی زیر نگرانی کارروائی عمل میں لاتے ہوئے قلیل وقت میں قتل میں ملوث ملزم سعید اختر ولد محمد اسلم سکنہ چمبہ پنڈ کو آلہ قتل سمیت گرفتار کر لیا۔ مقدمہ میں ملزم سے مزید تفتیش جاری ہے۔