شمالی وزیرستان‘ نویں و دسویں کے سالانہ امتحانات موخر

نوٹیفکیشن کے مطابق طلباء و طالبات کی سہولت اور نگراں عملے کی بہبود کی خاطر امتحانات مؤخر کیے گئے

منگل 8 اپریل 2025 16:24

میران شاہ(اُردو پوائنٹ اخبارتازہ ترین - این این آئی۔ 08 اپریل2025ء)شمالی وزیرستان کے بنوں ڈویژن بورڈ کے زیرِ انتظام ہونے والے نہم اور دہم جماعت کے سالانہ امتحانات مو?خر کر دیے گئے۔بنوں بورڈ کی جانب سے جاری کیے گئے نوٹیفکیشن کے مطابق طلباء و طالبات کی سہولت اور نگراں عملے کی بہبود کی خاطر امتحانات مؤخر کیے گئے ہیں۔

(جاری ہے)

نوٹیفکیشن میں کہا گیا ہے کہ نہم و دہم کے امتحانات آج 8 اپریل سے شروع ہونے تھے۔

دوسری جانب ضلعی انتظامیہ کا کہنا ہے کہ رزمک کیڈٹ کالج کے امتحانات شیڈول کے مطابق ہوں گے۔یاد رہے کہ آج سے کراچی میں نویں اور دسویں کے سالانہ امتحانات برائے 2025ء شروع ہو رہے ہیں جن کے لیے 499 امتحانی مراکز قائم کیے گئے ہیں۔ تمام ریگولر طلباء و طالبات کے ایڈمٹ کارڈ بورڈ کے آفیشل پورٹل پر آن لائن جاری کیے جا چکے ہیں۔