وساکھی میلہ ،خالصہ جنم دن تقریبات میں شرکت کےلئے بھارت سے سکھ یاتری جمعرات کو پاکستان پہنچیں گے، متروکہ وقف املاک بورڈ

بدھ 9 اپریل 2025 11:10

لاہور (اُردو پوائنٹ اخبارتازہ ترین - اے پی پی۔ 09 اپریل2025ء) متروکہ وقف املاک بورڈ نے کہا ہے کہ بھارت سے سکھ یاتری کل (10 اپریل بروز جمعرات )پاکستان پہنچیں گے،کینڈا، امریکا، یو کے و دیگر ممالک سے یاتریوں کی آ مد کا سلسلہ جاری ہے ۔ متروکہ وقف املاک بورڈ کے ترجمان کے مطابق وساکھی میلہ کی مرکزی تقریب 14 اپریل کو گوردوارہ پنجہ صاحب حسن ابدال میں ہوگی،سکھ مذہب کے 326ویں خالصہ جنم دن اور وساکھی میلہ کی پاکستان میں تقریبات 2025 کے لیے سکھ یاتری 10 اپریل کو واہگہ چیک پوسٹ کے راستے پاکستان پہنچیں گےجہاں ایڈیشنل سیکرٹری شرائنز متروکہ وقف املاک بورڈ سیف اللہ کھوکھر ،اعلیٰ حکام اور پردھان سردار رمیش سنگھ اروڑہ پی ایس جی پی سی سمیت دیگر سکھ رہنما ان کا استقبال کریں گے۔

یاتری 16 اپریل کو کرتار پور اور 18اپریل کولاہور کا دورہ کریں گے۔

(جاری ہے)

ترجمان کے مطابق وفاقی وزیر برائے مذہبی امورو بین المذاہب ہم آ ہنگی کے احکامات پر یاتریوں کی آمد کے حوالے سے سکیورٹی رہائش اورٹرانسپورٹ کے خصوصی انتظامات مکمل کر لئے گئے ہیں۔ گوردوارہ جنم استھان ننکانہ صاحب ، گوردوارہ پنجہ صاحب حسن ابدال سمیت دیگر مقامات کو خوبصورت انداز میں سجانے کے علاوہ خصوصی انتظامات کیے گئے ہیں۔ مرکزی تقریب گورودوارہ پنجہ صاحب حسن ابدال میں14 اپریل کو منعقد ہوگی جبکہ 10 روزہ دورہ مکمل ہونے کے بعد سکھ یاتری 19 اپریل کو واپس روانہ ہوں گے۔\932