یونیورسٹی آف سرگودھا میں 2 روزہ بین الاقوامی کانفرنس 10 اور 11 اپریل کو منعقد ہوگی

بدھ 9 اپریل 2025 17:14

سرگودھا (اُردو پوائنٹ اخبارتازہ ترین - اے پی پی۔ 09 اپریل2025ء) یونیورسٹی آف سرگودھا میں اپنی نوعیت کی 2 روزہ کانفرنس بعنوان "Interdisciplinary Research Conference on One Health (IROCH 2025)" مورخہ 10 اور 11 اپریل 2025ء کو منعقد ہوگی۔ اس سلسلے میں افتتاحی تقریب 10 اپریل 2025ء بروز جمعرات صبح 9 بجے یونیورسٹی آف سرگودھا کے ملٹی پرپز ہال میں منعقد ہوگی۔

(جاری ہے)

یہ کانفرنس فوڈ اینڈ ایگری کلچر آرگنائزیشن آف دی یونائیٹڈ نیشن ہائیر ایجوکیشن کمیشن اسلام آباد، پنجاب ہائرایجوکیشن کمیشن اورکامسٹیک اسلام آباد کے تعاون سے منعقد ہوگی جس میں 10 سے زائد ممالک کے بین الاقوامی محقق اور تعلیمی ماہرین شرکت کررہے ہیں۔

تقریب کےمہمانِ خصوصی چیئرمین ہائیرایجوکیشن کمیشن اسلام آباد پروفیسرڈاکٹرمختاراحمد ہونگے جبکہ وائس چانسلر یونیورسٹی آف سرگودھا کانفرنس کی صدارت کریں گے۔ واضح رہے کہ یہ اپنی نوعیت کی واحد بین الاقوامی کانفرنس ہے جس میں وطن عزیز کی 22 سے زائد جامعات کے وائس چانسلر شرکت کررہے ہیں۔