Live Updates

پی ایس ایل 10 کیلئے غیر ملکی کھلاڑیوں کی پاکستان آمد کا سلسلہ جاری

بنگلادیش کے لٹن داس بھی کراچی پہنچ گئے‘ انگلینڈ کے ٹام کوہلر کیڈمور نے پشاور زلمی کو جوائن کرلیا

جمعرات 10 اپریل 2025 12:20

پی ایس ایل 10 کیلئے غیر ملکی کھلاڑیوں کی پاکستان آمد کا سلسلہ جاری

کراچی (اُردو پوائنٹ اخبارتازہ ترین - این این آئی۔ 10 اپریل2025ء)پاکستان سپر لیگ (پی ایس ایل) کے 10ویں ایڈیشن کیلئے غیر ملکی کھلاڑیوں کی آمد کا سلسلہ جاری ہے۔ آسٹریلیا کے ڈیوڈ وارنر نے کراچی میں کنگز کے اسکواڈ کو جوائن کرلیا جبکہ بنگلادیش کے لٹن داس بھی کراچی پہنچ گئے۔ انگلینڈ کے ٹام کوہلر کیڈمور نے پشاور زلمی کو جوائن کرلیا۔ پی ایس ایل 10 کی کہکشاں میں جگمگانے کیلئے انٹرنیشنل ستاروں کی آمد کا سلسلہ جاری ہے۔

کوئٹہ گلیڈی ایٹرز کے غیر ملکی پلیئرز نے اسکواڈ کو جوائن کرنا شروع کردیا۔بدھ کی صبح شان ایبٹ، کائل جیمیسن، آکیل حسین اور فن ایلن پاکستان پہنچ گئے اور ہوٹل میں اسکواڈ کو جوائن کیا۔ رائیلی روسو پہلے ہی ٹیم کو جوائن کرچکے ہیں جبکہ کوسال میندس جمعرات کو پاکستان پہنچیں گے۔

(جاری ہے)

دوسری جانب آسٹریلیا کے ڈیوڈ وارنر کراچی کنگز کی قیادت سنبھالنے کیلئے کراچی پہنچ گئے۔

بنگلادیش کے لٹن داس نے بھی کراچی کنگز کو جوائن کرلیا۔ ٹم سائفرٹ نے بھی کراچی کنگز کے اسکواڈ کو جوائن کرلیا۔انگلینڈ کے ٹام کوہلر کیڈمور بھی پاکستان پہنچ گئے، انہوں نے اسلام آباد میں پشاور زلمی کے اسکواڈ کو جوائن کرلیا۔گزشتہ شب کراچی پہنچنے والے ڈیوڈ ولی، کرس جارڈن اور جوش لٹل نے ملتان سلطانز کو جوائن کرنے کے بعد ان کے ساتھ پہلے پریکٹس سیشن میں شرکت کی۔ شائے ہوپ اور مائیکل بریسویل جمعرات کو پاکستان پہنچیں گے۔