لاہور کے ایک ہی علاقے میں ڈکیتیوں کی نصف سنچری کرنے والے گینگ کا سرغنہ گرفتار

ملزم نے گرفتاری کے وقت شدید مزاحمت کی تاہم اہلکاروں کی حاضر دماغی کی وجہ سے وہ بھاگنے میں ناکام رہا

جمعرات 10 اپریل 2025 20:25

لاہور (اُردو پوائنٹ اخبارتازہ ترین - این این آئی۔ 10 اپریل2025ء) لاہور میں پولیس نے ایک ہی علاقے میں وارداتوں کی نصف سنچری کرنے والے گینگ کے سرغنہ کو گرفتار کرلیا۔ڈولفن پولیس کے ترجمان کے مطابق لاہور ایک ہی علاقہ میں وارداتوں کی 50ففٹی کرنے والا گینگ کا سرغنہ گرفتار کرلیا گیا جس نے دوران تفتیش 52وارداتوں کا اعتراف کیا ہے۔

(جاری ہے)

ترجمان ڈولفن کے مطابق گرفتار ملزم نے صرف مخصوص ایریا میں مجموعی طور پر 52وارداتیں کیں، ڈولفن اسکواڈ نے ملزم کو انٹیلی جنس بیسڈ کارروائی کرتے ہوئے گرفتار کیا۔

اعلامئے کے مطابق گرفتاری کے وقت ملزم نے شدید مزاحمت بھی کی تاہم اہلکاروں کی حاضر دماغی کی وجہ سے وہ فرار ہونے میں ناکام رہا۔ترجمان ڈولفن کے مطابق گرفتار ملزم پر ڈکیتی، چوری، جھپٹا، گینگز و دیگر سنگین جرائم کے مقدمات درج ہیں۔ ملزم عمران قانونی کارروائی کیلئے تھانہ راوی روڈ کے حوالے کردیا گیا ہے۔ایس پی ڈولفن شاہ میر کے مطابق ڈولفن سکواڈ، پی آر یو شہریوں کے جان و مال کی حفاظت کے لیے ہمہ وقت پر عزم ہے۔