ڈاکٹر فرید الدین قادری کے سالانہ عرس کی تقریب 15اپریل کو منعقد ہو گی

جمعرات 10 اپریل 2025 20:50

لاہور (اُردو پوائنٹ اخبارتازہ ترین - اے پی پی۔ 10 اپریل2025ء) تحریک منہاج القرآن کے بانی و سرپرست اعلی شیخ الاسلام ڈاکٹر محمد طاہرالقادری کے والد، تحریک پاکستان کے فعال و عظیم رہنما اور معروف عالم دین فرید ملت ڈاکٹر فرید الدین قادری کے52ویں سالانہ عرس کی تقریب اور حفاظ و حافظات کی تقریب تقسیم اسناد 15اپریل کو دربار عالیہ جھنگ میں منعقد ہو گی۔

(جاری ہے)

ترجمان کے مطابق تقریب سے فاضل منہاج یونیورسٹی لاہور صاحبزادہ علامہ ظہیر احمد نقشبندی خصوصی خطاب جبکہ تقریب کی صدارت ایڈمنسٹریٹر دربار فرید ملت محمد صبغت اللہ قادری کریں گے۔ علامہ حافظ عبدالقدیر قادری ،نائب ناظم اعلی منہاج القرآن جواد حامد، معروف نقیب صاحبزادہ تسلیم احمد صابری، صفدر علی محسن سمیت تحریک منہاج القرآن کے مرکزی،صوبائی،ضلعی رہنمائوں وکارکنان سمیت مختلف شعبہ ہائے زندگی سے تعلق رکھنے والی اہم شخصیات بھی تقریب میں خصوصی شرکت کریں گی۔

اس موقع پر عالمی شہرت یافتہ قاری نور احمد چشتی تلاوت کلام مجید کی سعادت حاصل جبکہ معروف نعت خوان اختر حسین قریشی،ظہیر بلالی برادران، محمد شکیل طاہر، شہزاد برادران بارگاہ رسالت مآب ۖ میں گلہائے عقیدت پیش کریں گے۔