چارسدہ، تھانہ مندنی پولیس کی کارروائی، چوری کی وارداتوں میں ملوث تین ملزمان گرفتار، پانچ موٹر سائیکلیں اور دیگر مسروقہ سامان برآمد

جمعہ 11 اپریل 2025 00:10

پشاور (اُردو پوائنٹ اخبارتازہ ترین - اے پی پی۔ 11 اپریل2025ء) تھانہ مندنی پولیس نے علاقہ میں چوری کی وارداتوں کے پیش نظر مؤثر کارروائی کرتے ہوئے دو مختلف کیسز میں ملوث ملزمان کو گرفتار کر لیا ہے۔ پولیس رپورٹ کے مطابق گرفتار ملزمان میں ایک شخص نہایت چالاکی سے جعلی چوکیدار بن کر بی ایچ یو میں داخل ہوا اور اسی رات بیٹریاں، ٹیوبلر اور اینورٹر چرا کر فرار ہو گیا جبکہ دوسری واردات میں موٹر سائیکل چوری واردات کی رپورٹ موصول ہوئی۔

پولیس نے تھانہ مندنی میں ملزمان کے خلاف مقدمات درج رجسٹرڈ کئے۔

(جاری ہے)

ڈی پی او چارسدہ سلیمان ظفر کے نوٹس پر ڈی ایس پی تنگی گلشید خان کی زیر قیادت ایس ایچ او تھانہ مندنی بسم اللہ جان نے فوری ایکشن لیتے ہوئے بی ایچ یو سے چوری کرنے والے ملزم شاہ زیب ولد اورنگزیب ساکن اتمانزئی کو گرفتار کرکے ملزم کے قبضہ سے مال مسروقہ بیٹریاں، ٹیوبلر اور اینورٹرز برآمد کیا۔ اس کے علاؤہ دوسرے کاروائی کے دوران ایس ایچ او تھانہ مندنی بسم اللہ نے اپنے ٹیم کے ہمراہ موٹر سائیکل چور کا سرغنہ سمیت سلیم ولد تازہ ساکن امیر آباد اور ذاکر ولد سرفراز سکنہ اخون ڈھیری عمرزئی کو گرفتار کرلیا۔ ملزمان کے قبضہ سے چوری کی 5 موٹر سائیکلز برآمد کئے گئے۔ ملزمان سے مزید تفتیش جاری ہے۔