پاکستان اور بیلاروس کے درمیان فوجی تعاون، تجارت کے معاہدوں ومفاہمتی یادداشتوں پر دستخط

وزیراعظم شہباز شریف کومسلح افواج نے سلامی دی اور گارڈ آف آنر پیش کیا، تقریب میں دونوں ممالک کے قومی ترانے بجائے گئے

فیصل علوی جمعہ 11 اپریل 2025 16:20

پاکستان اور بیلاروس کے درمیان فوجی تعاون، تجارت کے معاہدوں ومفاہمتی ..

منسک(اردوپوائنٹ اخبار تازہ ترین۔11اپریل 2025)پاکستان اور بیلاروس کے درمیان فوجی تعاون، تجارت اور دیگر شعبہ جات میں معاہدے اور ایم او یوز پر دستخط کردئیے گئے،پاکستان اور بیلاروس کے تعلقات نئے دور میں داخل ہوگئے، پاکستان اور بیلاروس کے درمیان معاہدوں اور مفاہمتی یاداشتوں کے تبادلے کی تقریب کا انعقاد کیا گیا،وزیراعظم شہباز شریف اور بیلاروس کے صدر الیگزینڈرلوکاشینکو نے تقریب میں شرکت کی۔

وزیراعظم شہباز شریف سرکاری دورے پر بیلاروس پہنچے جہاں میزبان صدر الیگزینڈر لوکاشینکو نے ان کا پرتپاک استقبال کیا۔ مسلح افواج نے انہیں سلامی دی اور گارڈ آف آنر پیش کیا۔ دونوں ممالک کے قومی ترانے بجائے گئے۔ تقریب میںپاکستان اور بیلا روس کی وزارت دفاع کے درمیان فوجی تعاون کا معاہدہ ہوا۔

(جاری ہے)

بیلاروس کی داخلی امور کی وزارت اور وزارت داخلہ پاکستان کے درمیان تعاون کا معاہدہ کیا گیا۔

بیلاروس کی فوجی صنعت کی سٹیٹ اتھارٹی اور وزارت دفاعی پیداوار پاکستان کے درمیان فوجی تکنیکی تعاون سے متعلق 2025 سے 2027 کا روڈ میپ طے پا گیا۔ دونوں ممالک کے درمیان ری ایڈمیشن معاہدہ کا معاہدہ بھی طے پایا ہے۔پاکستان کے ٹی ڈی اے پی (ٹریڈ ڈیولپمنٹ اتھارٹی) اور بیلاروس کے ایوان صنعت و تجارت کے درمیان بھی معاہدا ہوا۔بیلاروس کے محکمہ پوسٹ اور پاکستان پوسٹ کے درمیان بھی معاہدہ ہوا جس کا مقصد پوسٹل آٹمز کے درمیان سہولیات پیدا کرنا ہے۔

فرنٹیئر ورکس آرگنائزیشن اور جے ایس سی ایم کوریڈور کے درمیان مفاہمت کی یادداشت، پاکستان اور بیلاروس کی وزارت دفاع کے درمیان فوجی تعاون کا معاہدہ بھی ہوگیا۔روڈ میپ بیلاروس کی فوجی صنعت کی اسٹیٹ اتھارٹی اور وزارت دفاعی پیداوار پاکستان کے درمیان طے پایا۔ بیلاروس کے مالی تعاون کے فنڈ برائے کاروبار اور سمیڈا کے درمیان مفاہمتی یادداشت پر دستخط ہوگئے۔

قبل ازیں وزیراعظم شہبازشریف کا منسک میں ایوان آزادی پر صدر الیگزینڈر لوکاشینکو نے پرتپاک استقبال کیا۔ دونوں ممالک کے ترانوں کی دھنیں بجائی گئیں۔ وزیراعظم کو گارڈ آف آنر پیش کیا گیا۔ دونوں ممالک کے وزرا ء کا تعارف کرایا گیا۔ آذربائیجان میں ایوان آزادی آمد پر وزیراعظم شہباز شریف کے اعزاز میں باضابطہ استقبالیہ تقریب منعقد ہوئی۔

بیلا روس کی مسلح افواج کے چاق وچوبند دستے نے وزیراعظم محمد شہباز شریف کو گارڈ آف آنر پیش کیا اور سلامی دی بعدازں وزیراعظم نے گارڈ آف آنر کا معائنہ کیا۔وزیراعظم محمد شہباز شریف نے اپنے وفد کے ارکان کا بیلا روس کے صدر سے تعارف کرایا جبکہ بیلا روس کے صدر نے بھی اپنے حکومتی ارکان کو وزیراعظم شہباز شریف سے متعارف کرایا۔