کراچی میں رقص کرتی کرینہ بھارتیوں کو ایک آنکھ نہ بھائی، شدید تنقید

انسٹاگرام پررقص کی یہ ویڈیو ڈی جے "شاٹ باکس" نے شیئر کی تھی

ہفتہ 12 اپریل 2025 10:35

کراچی(اُردو پوائنٹ اخبارتازہ ترین - این این آئی۔ 12 اپریل2025ء)کراچی میں منعقد ہونے والی ایک رنگارنگ ریو پارٹی کے دوران بالی وڈ اداکارہ کرینہ کپور خان کے اینیمیٹڈ اوتار پر مبنی ایک ویڈیو نے انٹرنیٹ پر تہلکہ مچا دیا۔ایک رپورٹ کے مطابق انسٹاگرام پر یہ ویڈیو پارٹی کے منتظم اور ڈی جے شاٹ باکس نے شیئر کی جس میں کرینہ کا ڈیجیٹل روپ متحرک انداز میں رقص کرتے ہوئے دکھائی دیتا ہے۔

منفرد اور غیر معمولی انداز کی اس پیشکش نے دیکھتے ہی دیکھتے صارفین کی توجہ حاصل کر لی اور سوشل میڈیا پلیٹ فارمز پر تیزی سے وائرل ہو گئی۔پی او وی، آپ کراچی، پاکستان میں ایک ریو پارٹی میں ہیں اور کرینہ کپور آپ کے سامنے ڈانس کرنا شروع کر دیتی ہیں۔اس کے بعدسکرین پر کرینہ کپور کا ایک اینیمیٹڈ اوتار نمودار ہوتا ہے جو مغربی لباس میں ملبوس، پونی ٹیل باندھے، تیز میوزک کی دھن پر پرجوش انداز میں رقص کرتا ہے۔

(جاری ہے)

جہاں پاکستان میں یہ ویڈیو خاصی مقبولیت حاصل کر چکی ہے، وہیں بھارت میں اداکارہ کے مداحوں نے اس پرملاجلا ردعمل دیا ہے۔کچھ صارفین نے اسے تفریحی قرار دیا جبکہ متعدد افراد نے اینیمیشن کے معیار اور اداکارہ کی مشابہت نہ ہونے پر ناپسندیدگی کا اظہار کیا۔ایک بھارتی صارف نے تبصرہ کیاکہ یہ اینیمیشن بہت بری ہے اور وہ اتنی عجیب کیوں لگ رہی ہے جیسے آفس جا رہی ہو دوسرے نے لکھاکہ ٹریک اور اینیمیشن دونوں کو بہتر بنانے کی ضرورت ہے، یہ دونوں بہت ایوریج لگ رہے ہیںجبکہ ایک تیسرے صارف نے واضح طور پر کہاکہ بالکل نہیں، یہ کرینہ کپور نہیں ہے۔کئی صارفین نے ہنسی کے ایموجیز کے ذریعے ویڈیو کو مضحکہ خیز قرار دیا ۔