وزیراعظم کا سابق چیئرمین پنجاب پبلک سروس کمیشن صفدر جاوید سید کے انتقال پر دکھ اور رنج کا اظہار

دکھ کی اس گھڑی میں ہماری تمام تر ہمدردیاں مرحوم صفدر جاوید سید کے اہل خانہ کے ساتھ ہیں، وزیراعظم کا بیان

ہفتہ 12 اپریل 2025 17:09

وزیراعظم کا سابق چیئرمین پنجاب پبلک سروس کمیشن صفدر جاوید سید کے انتقال ..

اسلام آباد (اُردو پوائنٹ اخبارتازہ ترین - این این آئی۔ 12 اپریل2025ء)وزیر اعظم محمد شہباز شریف نے سابق چیئرمین بینک آف پنجاب اور سابق چیئرمین پنجاب پبلک سروس کمیشن، صفدر جاوید سید کے انتقال پر دکھ اور رنج کا اظہار کیا ہے ۔

(جاری ہے)

اپنے بیان میں وزیراعظم نے مرحوم صفدر جاوید سید کی بلندی درجات اور انکے اہل خانہ کیلئے صبر کی دعاء کی اور کہاکہ صفدر جاوید سید ایک قابل، ایماندار اور مخلص افسر تھے۔ شہبازشریف نے کہاکہ مرحوم صفدر جاوید سید کی زندگی نئے آنے والے افسران کیلئے قابل تقلید مثال ہے،دکھ کی اس گھڑی میں ہماری تمام تر ہمدردیاں مرحوم صفدر جاوید سید کے اہل خانہ کے ساتھ ہیں۔