سنی تحریک ، تحریک لبیک کے زیر اہتمام غزہ میںمسلمانوںکے قتل عام و نسل کشی کے خلاف احتجاجی ریلی

ہفتہ 12 اپریل 2025 22:08

لاہور(اُردو پوائنٹ اخبارتازہ ترین - این این آئی۔ 12 اپریل2025ء)پاکستان سنی تحریک و تحریک لبیک پاکستان کے زیر اہتمام پیر مکی بازار میں غزہ میںمسلمانوںکے قتل عام و نسل کشی کے خلاف احتجاجی ریلی نکالی گئی ۔

(جاری ہے)

ریلی سے خطاب کرتے ہوئے شیخ محمد نواز قادری، محمد رشید ، ملک محسن قادری، محمد وسیم ہاشمی نے کہا ہے کہ اسرائیلی بمباری کھلی دہشتگردی اور فلسطینیوںکی نسل کشی ہے،خیموں میں رہنے والے مظلوم جو انسانی امداد اور خوراک کیلئے پریشان حال تھے ان پر بمباری اسرائیل کی بزدلانہ حملے ہیں،اسلامی ممالک بے حسی اور خاموشی کو توڑ کر فلسطین میں اسرائیلی مظالم ومسلم نسل کشی کے خلاف آواز بلند کریں۔

انہوںنے کہا کہ پاکستان کے علما ء کرام نے غزہ میں مظلوم فلسطینیوں کیلئے جہاد کا اعلان کردیا،او آئی سی اسرائیل کے ظالمانہ، غاصبانہ اور دہشتگردانہ کاروائیوں کے خلاف جہاد فی سبیل اللہ کا اعلان کرے،امت مسلمہ فلسطین کے مظلوموں کے ساتھ کھڑے ہیں ۔