بھارت میں کتوں کیساتھ جنسی زیادتی کرنیوالا شخص گرفتار

متعدد کتوں کے ساتھ جنسی زیادتی کرنے والے شخص کی ایک ویڈیو منظرِ عام پر آئی تھی، پولیس

اتوار 13 اپریل 2025 12:45

نئی دہلی (اُردو پوائنٹ اخبارتازہ ترین - این این آئی۔ 13 اپریل2025ء)بھارت میں کتوں کے ساتھ جنسی زیادتی کرنے والے شخص کو گرفتار کر لیا گیا۔بھارتی میڈیا کے مطابق دارالحکومت دہلی سے بے زبان کتوں کو جنسی زیادتی کا نشانہ بنانے والے ہوس کے بچاری شخص کو گرفتار کیا گیا ہے۔

(جاری ہے)

میڈیا رپورٹس کے مطابق متعدد کتوں کے ساتھ جنسی زیادتی کرنے والے شخص کی ایک ویڈیو بھی منظرِ عام پر آئی تھی جسے ملزم کے دوست کی جانب سے ریکارڈ کرنے کے ایکس پر اپ لوڈ کیا گیا تھا۔

متعلقہ ویڈیو وائرل ہونے کے بعد عوام کی جانب سے اس شخص کو پکڑ کر تشدد کا نشانہ بنایا گیا اور پھر پولیس کے حوالے کیا گیا۔بھارتی میڈیا کے مطابق ملزم نے خود 6 کتوں کے ساتھ بد فعلی کا اعتراف کیا ہے جبکہ ملزم کی پڑوسی ایک خاتون نے دعوی کیا ہے کہ اس شخص نے 13 کتوں کو جنسی زیادتی کا نشانہ بنایا۔پولیس حکام کا کہنا تھا کہ ملزم کو گرفتار کر کے تحقیقات کا آغاز کر دیا گیا ہے۔