ج*پاکستان منرلز انویسٹمنٹ فورم 2025‘ پاکستان کی تاریخ کا سنہرا باب قرار

اسلام آباد(اُردو پوائنٹ اخبارتازہ ترین - آن لائن۔ 13 اپریل2025ء)پاکستان منرلز انویسٹمنٹ فورم 2025: پاکستان کی تاریخ کا سنہرا باب قرار دیا جا رہا ہے اور بین الاقوامی سرمایہ کار کمپنیوں نے پاکستانی کمپنیز کے ساتھ مشترکہ سرمایہ کاری میں گہری دلچسپی کا اظہار کیا ہے۔رواں ماہ پاکستان منرلز انویسٹمنٹ فورم 2025 کا کامیاب انعقاد کیا گیا۔ پاکستان منرلز انویسٹمنٹ فورم کی کامیابی ایس آئی ایف سی کی انتھک کاوشوں کا ثمر ہے۔

غیر ملکی سرمایہ کار کمپنیوں نے پاکستان میں منعقدہ منرلز انویسٹمنٹ فورم 2025 کو خوب سراہا۔بین الاقوامی سرمایہ کار کمپنیوں نے پاکستانی کمپنیز کے ساتھ مشترکہ سرمایہ کاری میں گہری دلچسپی کا اظہار کیا۔معروف' جیو فزکس ایکسپرٹ کمپنی' کے آفیسر' رابرٹ ولسن' نے پاکستان میں سرمایہ کاری میں دلچسپی کا اظہار کرتے ہوئے کہا کہ پاکستان میں کاپر گولڈ اور دیگر معدنی وسائل کے وسیع ذخائر موجود ہیں۔

(جاری ہے)

اگر آپ پاکستان میں سرمایہ کاری کرنا چاہتے ہیں تو یہ بہترین موقع ہے۔ہمالین ارتھ ایکسپلوریشن 'کے نمائندے سید علی گیلانی' کا کہنا تھا کہ یہ کانفرنس ایس آئی ایف سی اور منسٹری آف پیٹرولیم کی جانب سے اہم پیشرفت ہے۔یہ پلیٹ فارم غیر ملکی سرمایہ کاروں کے لیے سنہری موقع ہے۔'گلوبہ کور' کے نمائندے نے اس کانفرنس کو سراہتے ہوئے کہا کہ یہ ایک بہترین پلیٹ فارم ہے جہاں مختلف سرمایہ کار اور کمپنیز پارٹنرشپ کر سکتی ہیں۔

'پی ایس آئی کمپنی' کے نمائندے 'سکندر 'نے اظہار خیال کرتے ہوئے کہا کہ یہاں سرمایہ کاروں کے باہمی روابط کے لیے منظم پلیٹ فارم موجود ہے جو کہ نہایت خوش آئند ہی''''ہم پاکستان کے بہت شکر گزار ہیں جنہوں نے اس بہترین موقع پر ہمیں مدعو کیا۔ایگزیوم گروپ کینیڈا' کے نمائندے کا کہنا تھا کہ اس کانفرنس میں ہم مختلف سرمایہ کاروں سے ملے ہیں اور ہمیں یہاں آ کر بہت خوشگوار تجربہ ہوا۔ہم پاکستان میں جیو فزکس سے متعلقہ پروجیکٹس میں مختلف کمپنیز کے ساتھ پارٹنرشپ کر رہے ہیں۔ایک غیرملکی سرمایہ کار نے کہا کہ ہم پاکستانی کمپنیز کے تجربے سے بھی مستفید ہو رہے ہیں۔غیر ملکی سرمایہ کاروں کا بڑی تعداد میں منرلز کانفرنس میں شرکت ایس آئی ایف سی اور حکومتی کاوشوں کا منہ بولتا ثبوت ہے۔