پاکستان پیپلز پارٹی کی حیدرآباد میں 18 اپریل کو جلسے کی تیاریاں

18اپریل کو کینالز منصوبے سے متعلق عوام کو آگاہ کریں گے،شرجیل میمن کی بات چیت

پیر 14 اپریل 2025 18:38

کراچی (اُردو پوائنٹ اخبارتازہ ترین - این این آئی۔ 14 اپریل2025ء) پاکستان پیپلزپارٹی کی حیدرآباد میں 18 اپریل کو جلسے کی تیاریاں جاری ہے، صوبائی وزیرشرجیل انعام میمن نے کہا ہے کہ حالات کچھ بھی ہوں، پیپلزپارٹی کینالز پر سمجھوتا نہیں کرے گی۔تفصیلات کے مطابق پاکستان پیپلزپارٹی کی حیدرآباد میں 18 اپریل کو جلسے کی تیاریاں عروج پر ہے، حیدرآباد میں بڑے پیمانے پر عوامی رابطہ مہم جاری ہے۔

راول ہاؤس میں پیپلزپارٹی ورکرز کنونشن کا انعقاد ہوا، صدر پیپلزپارٹی لیڈیزونگ فریال تالپور اور وزیراطلاعات شرجیل میمن نے خطاب کی، کنونشن میں خواتین سمیت بڑی پیپلزپارٹی کارکنوں کی بڑی تعداد میں نے شرکت کی۔وزیر اطلاعات سندھ شرجیل میمن نے کہا کہ پیپلزپارٹی 18 اپریل کو حیدرآباد میں تاریخی جلسہ کرے گی ، 18اپریل کو کینالز منصوبے سے متعلق عوام کو آگاہ کریں گے۔

(جاری ہے)

انہوںنے کہا کہ کینالز سندھ کے عوام کیلئے جینے مرنے کا مسئلہ ہے، 18 اپریل کو بلاول بھٹو حیدر آباد آرہے ہیں، بلاول بھٹو حکمرانوں کو بتائیں گے کہ عوام چاہتے کیا ہیں۔صوبائی وزیر نے کہا کہ ہمارے صوبے میں زیر زمین پانی میٹھا نہیں وہ پینے کے قابل نہیں ، آپ 7 کروڑ عوام کو پیاسا مار دو گے، عوام خاموش نہیں بیٹھیں گے، حالات کچھ بھی ہوں، پیپلزپارٹی کینالز پر سمجھوتا نہیں کرے گی ، پیپلزپارٹی کینالز منصوبے پر خاموش نہیں بیٹھے گی۔