سوئی نادرن کیلئے درآمدی آرایل این جی مہنگی، سوئی سدرن کیلئے سستی کر دی گئی ‘ نوٹیفکیشن جاری

سوئی نادرن کیلئے ایل این جی فی ایم ایم بی ٹی یو نئی قیمت 12.58 ڈالر‘سوئی سدرن کیلئے نئی قیمت 12.59 ڈالر مقرر

پیر 14 اپریل 2025 18:20

اسلام آباد(اُردو پوائنٹ اخبارتازہ ترین - آن لائن۔ 14 اپریل2025ء)سوئی نادرن کیلئے درآمدی آرایل این جی مہنگی، سوئی سدرن کیلئے سستی کر دی گئی ۔اپریل 2025 کے لیے درآمدی آر ایل این جی کی قیمتوں کا نوٹیفکیشن جاری کر دیا گیا ہے۔سوئی نادرن صارفین کیلئے فی ایم ایم بی ٹی یو قیمت میں 4.08 فیصد اضافہ کیا گیا ہے ۔سوئی سدرن صارفین کیلئے ایل این جی کی قیمت میں 1.06 فیصد کمی کی گئی ہے ۔

(جاری ہے)

اوگراکے مطابق سوئی نادرن کیلئے فی ایم ایم بی ٹی یو ایل این جی 52 سینٹ تک مہنگی جبکہ سوئی سدرن کیلئے ایل این جی فی ایم ایم بی ٹی یو 13 سینٹ تک سستی کی گئی ہے ۔ اوگراکے مطابق سوئی نادرن کیلئے ایل این جی فی ایم ایم بی ٹی یو نئی قیمت 12.58 ڈالر جبکہ سوئی سدرن کیلئے ایل این جی فی ایم ایم بی ٹی یو نئی قیمت 12.59 ڈالر مقررکی گئی ہے ۔ایل این جی کی نئی قیمتوں کا اطلاق رواں ماہ اپریل کیلئے ہوگا۔