امریکی ٹیرف سے ٹیکسٹائل انڈسٹری پر اثر پڑے گا ، گورنر اسٹیٹ بینک

تیل کی قیمتوں میں کمی سے امریکی ٹیرف کا منفی اثر کم ہو جائے گا، جمیل احمد

منگل 15 اپریل 2025 16:17

امریکی ٹیرف سے ٹیکسٹائل انڈسٹری پر اثر پڑے گا ، گورنر اسٹیٹ بینک
کراچی(اُردو پوائنٹ اخبارتازہ ترین - این این آئی۔ 15 اپریل2025ء)گورنر اسٹیٹ بینک جمیل احمد نے کہا ہے کہ تیل کی قیمتوں میں کمی سے امریکی ٹیرف کا منفی اثر کم ہو جائے گا۔ایک انٹرویو میں گورنر اسٹیٹ بینک نے کہا کہ امریکی ٹیرف سے ٹیکسٹائل انڈسٹری پر اثر پڑے گا مگر تیل کی قیمتوں میں کمی سے امریکی ٹیرف کا منفی اثر کم ہو جائے گا۔

(جاری ہے)

انہوں نے کہا کہ شرح سود میں کمی سے حکومت کو ادائیگیوں میں ایک کھرب روپے کا ریلیف ملنے کی توقع ہے۔

جمیل احمد نے کہا کہ 30 جون سے پہلے 4 سے 5 ارب ڈالرز آنے کی توقع ہے جب کہ جون کے آخر تک زرمبادلہ کے ذخائر 14 ارب ڈالر ہونے کا ہدف ہے۔ معاشی ترقی کی شرح 3 فیصد تک رہنے کی توقع ہے۔واضح رہے کہ گورنر اسٹیٹ بینک کے تصدیق سے قبل عالمی منڈی میں خام تیل کی قیمتوں میں کمی کے بعد پاکستان میں پیٹرولیم مصنوعات کی قیمتوں میں نمایاں کمی کا امکان ظاہر کیا جا رہا تھا۔