پی آئی اے کوئٹہ کے ملازمین کی مستقلی کافیصلہ سنادیا گیا،تینوں ملزمان کسی بھی سرکاری ادارے میں تعینات نہیں ہو سکیں گے

منگل 15 اپریل 2025 20:00

کوئٹہ (اُردو پوائنٹ اخبارتازہ ترین - اے پی پی۔ 15 اپریل2025ء) نیشنل انڈسٹریل ریلیشنز کمیشن کوئٹہ بنچ کے ممبر عبدالغنی مینگل نے پاکستان انٹرنیشنل ائر لائنزکے ملازمین کی مستقلی سے متعلق کیس کافیصلہ سنادیا ۔

(جاری ہے)

جاری فیصلے کے مطابق پی آئی اے بلوچستان کے جنرل منیجر صادق محمد لودھی، چیف ہیومن ریسورسز اختر حسین اور ڈپٹی چیف ایگزیکٹیو آفیسر اسلام آباد خرم مشتاق کو عدالتی فیصلے کی خلاف ورزی پر چھ ماہ قید اور 50 ،50 ہزار روپے جرمانے کی سزا سنا دی ، جرمانہ ادا نہ کرنے کی صورت میں تینوں مجرموں کو ایک ماہ مزید قید کی سزا ہوگی۔

کمیشن بینچ کے فیصلے کے مطابق مذکورہ تینوں ملزمان ملک کے کسی بھی سرکاری ادارے میں کسی بھی عہدے پر فائض،تعینات نہیں ہوں گے ۔عدالت سے جاری تفصیلی فیصلے کے مطابق ملزمان کی عدالت میں عدم پیشی پر آئی جی اسلام آباد اور بلوچستان سمیت متعلقہ تھانوں کو ملزمان کے وارنٹ جاری کر دئیےجبکہ فیصلے کی کاپی وزارت دفاع کو بھی ہر سال کر دی گئی ہے۔