اسلام آباد سے لاپتا شہری کی لاش مانسہرہ سے برآمد، قتل کے شبہ میں سابق ایس پی گرفتار

بدھ 16 اپریل 2025 15:14

اسلام آباد(اُردو پوائنٹ اخبارتازہ ترین - این این آئی۔ 16 اپریل2025ء)تھانا آبپارہ کی حدود سے لاپتہ ہونے والے شہری حمزہ کی لاش مل گئی۔ سی ٹی ڈی پولیس کے مطابق تھانا آبپارہ کی حدود سے لاپتہ ہونے والے شہری حمزہ کی لاش مانسہرہ سے برآمد ہوگئی ہے۔

(جاری ہے)

ایس پی سی ٹی ڈی نے بتایا کہ سابق ایس پی عارف شاہ اور حمزہ کے درمیان لین دین کا تنازع چل رہا تھا اس لیے عارف شاہ کو حمزہ کے اغوا کے شبے میں گرفتارکیا گیا ہے۔ ایس پی سی ٹی ڈی کے مطابق لاش کو پوسٹمارٹم کیلئے مانسہرہ سے اسلام آباد منتقل کردیا گیا ہے۔