ایرانی وزیر خارجہ عباس عراقچی کی ولادیمیر پوتن سے ملاقات

ایرانی وزیر خارجہ نے صدر پوتن کو ایران کے سپریم لیڈر علی خامنہ ای کا پیغام بھی پہنچایا

جمعہ 18 اپریل 2025 13:39

ماسکو(اُردو پوائنٹ اخبارتازہ ترین - این این آئی۔ 18 اپریل2025ء)روس کے دورے پر موجود ایران کے وزیر خارجہ عباس عراقچی نے روسی صدر ولادیمیر پوتن سے کریملن میں ملاقات کی۔

(جاری ہے)

غیرملکی خبر رساں اداروں کے مطابق ایران اور امریکا کے درمیان بالواسطہ مذاکرات سے متعلق مشاورت اور تبادلہ خیال کیا گیا۔اس موقع پر ایرانی وزیر خارجہ نے صدر پوتن کو ایران کے سپریم لیڈر علی خامنہ ای کا پیغام بھی پہنچایا۔واضح رہے کہ عباس عراقچی گزشتہ روز ماسکو پہنچے تھے جہاں وہ اعلی روسی حکام سے بات چیت اور مشاورت کریں گے۔