شدید گرمی کے باعث حاجیوں کیلئے اے سی والے خیمے لگائے گئے ہیں،سردار یوسف

جمعہ 18 اپریل 2025 17:26

کراچی (اُردو پوائنٹ اخبارتازہ ترین - این این آئی۔ 18 اپریل2025ء)وفاقی وزیر مذہبی امور سردار یوسف نے کہا ہے کہ حج کے موقع پر شدید گرمی کے باعث اے سی والے خیمے لگائے گئے ہیں۔

(جاری ہے)

حاجی کیمپ میں میڈیا سے گفتگو میں وزیرِ مذہبی امور سردار یوسف نے کہا کہ سب سے بڑا مقصد یہ ہے کہ حاجیوں کو سہولتیں اور معلومات دی جائیں، سعودی عرب میں اچھی رہائش کے انتظامات بھی کیے گئے ہیں۔انہوں نے بتایا کہ حاجیوں کے لیے جو زونز مقرر کیے گئے ہیں وہاں اچھی سہولتیں ہیں، خیموں میں اب سامان کے لیے چھت بھی ہو گی۔وزیرِ مذہبی امورنے کہاکہ حاجیوں کے لیے اچھا ٹرانسپورٹ کا نظام بنایا گیا ہے، میدانِ عرفات کے لیے 70 فیصد حاجیوں کو ٹرین سے روانہ کیا جائے گا۔