مسابقتی کمیشن نے پی آئی اے سے ایک کروڑ روپے جرمانہ وصول کر لیا

جمعہ 18 اپریل 2025 21:20

اسلا م آباد (اُردو پوائنٹ اخبارتازہ ترین - این این آئی۔ 18 اپریل2025ء)مسابقتی کمیشن نے پی آئی اے سے 2009ء میں کیا گیا ایک کروڑ کا جرمانہ 16سال بعد ریکور کر لیا ، جرمانہ پی آئی اے کے بینک اکاوئنٹ منجمد کرنے کے خصوصی اختیارات استعمال کرتے ہوئے ریکور کیا گیا۔ترجمان کمپی ٹیشن کمیشن کے مطابق پی آئی اے سے ایک کروڑ روپے کا جرمانہ ریکور کر لیا ہے ،جرمانہ پی آئی اے کے بینک اکاوئنٹ منجمد کرنے کے خصوصی اختیارات استعمال کرتے ہوئے ریکور کیا گیا۔

(جاری ہے)

کمپٹیشن کمیشن نے پی آئی اے پر 2009 میں ایک کروڑ روپے جرمانہ عائد کیا تھا، جرمانہ 2008 میں حج کرایوں میں 80 فیصد اضافہ کرنے پر کیا گیا تھا۔پی آئی اے نے کمپٹیشن کمیشن کے آرڈر کے خلاف عدالت سے اسٹے لیا ہوا تھا۔سی سی پی کے مطابق سپریم کورٹ نے معاملہ کمپٹیشن ایپلیٹ ٹریبونل کو بھجوا دیا۔کمپٹیشن ایپلیٹ ٹریبونل نے پی آئی اے کے وکیل کی مسلسل عدم پیروی پر اپیل خارج کر دی۔ترجمان کمیٹیشن کمیشن کے مطابق اپیل خارج ہونے پر کمپٹیشن کمیشن نے پی آئی اے سے جرمانہ ریکور کیا۔