ناصر چنیوٹی کی ہانیہ عامر کے بھارتی پنجابی فلم سردار جی 3میں اہم کردار نبھا نے کی تصدیق

ہیرئن کا بھی کبھی کوئی سائیڈ رول ہوتا ہی فلم دیکھنے والوں کیلئے یہ سرپرائز ہو گا کہ ہانیہ پنجابی بولے گی،پاکستانی اداکار

ہفتہ 19 اپریل 2025 10:35

لاہور(اُردو پوائنٹ اخبارتازہ ترین - این این آئی۔ 19 اپریل2025ء)پاکستانی اداکار ناصر چنیوٹی نے ہانیہ عامر کے بھارتی پنجابی فلم سردار جی 3میں اہم کردار نبھا نے کی تصدیق کردی۔پاکستانی اداکار ناصر چنیوٹی نے اس بات کی تصدیق کرتے ہوئے بتایا کہ سردار جی 3میں میرے ساتھ پاکستان کی سپر اسٹار ہانیہ عامر بھی ہیں۔

(جاری ہے)

انہوں نے بتایا کہ ہانیہ کسی سائیڈ رول میں نہیں بلکہ فلم کے اہم کردار میں نظر آئیں گی۔

ناصر چنیوٹی نے بتایا کہ ہیرئن کا بھی کبھی کوئی سائیڈ رول ہوتا ہی میں اس بارے میں زیادہ نہیں بتا سکتا لیکن ہانیہ عامر باکمال اداکارہ ہیں، انہوں نے بہت اچھا کام کیا ہے۔انہوںنے کہاکہ فلم دیکھنے والوں کیلئے یہ سرپرائز ہو گا کہ ہانیہ پنجابی بولیں گی،سب یہی کہیں گے کہ اتنی اچھی پنجابی بولتی ہیں، انہوں نے پنجابی میں اداکاری کر کے سب کو حیران کر دیا ہے۔