صبح حکومت چھوڑنے کی دھمکی دے کر شام میں پرانی تنخواہ پرکام پرراضی ہونا ایم کیو ایم کی تاریخ ہے، ترجمان بلاول ہائوس

ہفتہ 19 اپریل 2025 15:31

اسلام آباد (اُردو پوائنٹ اخبارتازہ ترین - این این آئی۔ 19 اپریل2025ء)ترجمان بلاول ہاوًس سریندر ولاسائی نے ڈاکٹر خالد مقبول صدیقی کے بیان پر ردعمل کا اظہار کرتے ہوئے کہا ہے کہ صبح حکومت چھوڑنے کی دھمکی دے کر شام میں پرانی تنخواہ پر کام پر راضی ہونا ایم کیو ایم کی تاریخ ہے،جس کا اپنی پارٹی کے وزراء فون نہیں اٹھاتے وہ ’’ماسی مشاورت‘‘بنا پھرتا ہے۔

(جاری ہے)

اپنے بیان میں ترجمان بلاول ہائوس نے کہاکہ صبح حکومت چھوڑنے کی دھمکی دے کر شام میں پرانی تنخواہ پر کام پر راضی ہونا ایم کیو ایم کی تاریخ ہے، خالد مقبول بتائیں کہ گذشتہ تین حکومتوں کا مسلسل حصہ رہنے کے بعد انہوں نے کراچی کے لیے کیا کیا ۔ترجمان بلاول ہاوًس نے کہاکہ ایم کیو ایم کے وزراء کی کارکردگی سب سے بٴْری ہے، خالد مقبول صدیقی اٴْن سے استعفیٰ مانگے۔

انہوںنے سوال کیاکہ کیا خالد مقبول صدیقی کے مطالبے پر ایم کیو ایم کا کوئی ایک وفاقی وزیر استعفیٰ دیگا بہتر ہے خالد مقبول صدیقی دوسروں کو مشورے دینے کے بجائے اپنی پارٹی کے اندرونی معاملات پر توجہ دیں۔انہوںنے کہاکہ خالد مقبول صدیقی سمیت تمام سیاسی بے روزگار خاطر جمع رکھیں کہ اٴْن کے خواب پورے نہیں ہونگے، بلاول بھٹو زرداری کسی صورت متنازعہ کینال بننے نہیں دیں گے۔