ڈپٹی کمشنر اسلام آباد نے انسداد پولیو مہم کے ایریا ڈسٹری بیوشن پلان کی منظوری دے دی

ہفتہ 19 اپریل 2025 20:20

اسلام آباد (اُردو پوائنٹ اخبارتازہ ترین - این این آئی۔ 19 اپریل2025ء) ڈپٹی کمشنر اسلام آباد نے انسداد پولیو مہم کے ایریا ڈسٹری بیوشن پلان کی منظوری دے دی ۔وفاقی دارالحکومت میں ڈینگی کے خاتمے کیلئے ڈی سی اسلام آباد کی زیر صدارت اجلاس کا انعقاد ہوا جس میں گزشتہ سال شہر میں ڈینگی کیسز کا جائزہ لیا گیا۔

(جاری ہے)

اجلاس کو بریفنگ دیتے ہوئے بتایا گیا کہ گزشتہ سال اسلام آباد میں 3970 اور راولپنڈی میں 6620 کیسز رپورٹ ہوئے، سال 2024ء میں بوجہ ڈینگی اسلام آباد میں 15راولپنڈی میں 25اموات ہوئیں۔

اجلاس کو جڑواں شہروں کے بارڈر ایریاز میں لاروا کی نشاندہی پر کاروائیوں پر بریفنگ دیتے ہوئے بتایا گیا کہ رواں سال ابھی تک اسلام آباد میں مجموعی طور پر 2 کیسز رپورٹ ہوئے ہیں جبکہ اسلام آباد مختلف مقامات پر 18لاروا کی نشاندہی ہوئی، ٹیمز کی جانب سے شہر میں مجموعی طور پر 5518 ہاٹ سپاٹس کی نشاندہی کی گئی ہے۔اجلاس میں انسداد پولیو مہم کے ایریا ڈسٹری بیوشن پلان کی منظوری دی گئی۔