امریکا کے ساتھ مذاکرات کا اگلا دور مسقط میں ہوگا،ایران

فریقین اس وقت مذاکرات کے انعقاد کے لیے اصول طے کرنے پر کام کر رہے ہیں،کاظم آبادی

پیر 21 اپریل 2025 13:14

امریکا کے ساتھ مذاکرات کا اگلا دور مسقط میں ہوگا،ایران

تہران (اُردو پوائنٹ اخبارتازہ ترین - این این آئی۔ 21 اپریل2025ء)ایران کے نائب وزیر خارجہ کاظم غریب آبادی نے اعلان کیا ہے کہ ان کے ملک اور امریکہ کے درمیان ماہرین کی سطح کے مذاکرات جو 23 اپریل کو ہونے والے ہیں سلطنت عمان میں منعقد ہوں گے اور اس دوران ثالث بھی موجود ہوں گے۔

(جاری ہے)

میڈیارپورٹس کے مطابق کاظم غریب آبادی نے ایرانی پارلیمنٹ کی قومی سلامتی کمیٹی کو بتایا کہ مسقط میں تکنیکی ماہرین کا اجلاس منعقد کیا جا رہا ہے جس میں ثالثوں کی موجودگی میں مذاکرات کی تفصیلات پر تبادلہ خیال کیا جا رہا ہے۔

فریقین اس وقت مذاکرات کے انعقاد کے لیے اصول طے کرنے پر کام کر رہے ہیں۔ایرانی نائب وزیر خارجہ نے مزید کہا کہ ان کا ملک یورینیم کو افزودہ کرنے کے اپنے حق کی توثیق کرتا ہے اور یہ مسئلہ تہران کے لیے مذاکرات میں ریڈ لائن کی حیثیت رکھتا ہے۔