اوکاڑہ، اسسٹنٹ کمشنر ربنواز کا انسداد پولیو ٹیموں کی ورکنگ کا جائزہ، مختلف مقامات پر پٹرول پمپس کی انسپکشن کی

پیر 21 اپریل 2025 19:01

اوکاڑہ (اُردو پوائنٹ اخبارتازہ ترین - اے پی پی۔ 21 اپریل2025ء) اسسٹنٹ کمشنر رب نواز نے انسداد پولیو ٹیموں کی ورکنگ کا جائزہ لیتے ہوئے شہر کے متعدد مقامات پر پولیو ٹیموں کی چیکنگ کی اور فیلڈ میں رہتے ہوئے پانچ سال تک کی عمر کے بچوں میں پولیو ویکسینیشن کا عمل تسلسل سے جاری رکھنے کے لیے ہدایات جاری کیں۔

(جاری ہے)

اس موقع پر اسسٹنٹ کمشنر رب نواز نے کہا کہ پولیو ویکسین کے دو قطرے بچوں کو عمر بھر کی معذوری سے بچا سکتے ہیں ،اس لیے والدین اپنے بچوں کو صحت مند اور معذوری سے محفوظ رکھنے کیلئے پولیو ویکسین کے قطرے ضرور پلوائیں اور اس سلسلہ میں پولیو ٹیموں سے مکمل تعاون کریں۔

مزید براں اسسٹنٹ کمشنر رب نواز نے ستگھرہ موڑ پر تجاوزات کے خلاف آپریشن کی نگرانی بھی کی اور متعدد مقامات پر پٹرول پمپس کی انسپیکشن کرتے ہوئے کاغذات کی عدم فراہمی پر ایک پٹرول پمپ مالک کو 20 ہزار روپے جرمانہ بھی عائد کیا۔