ناظم آباد ٹاؤن کے مختلف علاقوں میں ہیٹ اسٹروک ریلیف کیمپ قائم کردیئے گئے

کیمپس پرہیٹ اسٹروک سے بچاو کے لئے درکارتمام ضروری اشیا اورسہولتیں فراہم کی گئی ہیں : سید محمد مظفر

پیر 21 اپریل 2025 20:25

کراچی(اُردو پوائنٹ اخبارتازہ ترین - این این آئی۔ 21 اپریل2025ء)چیئرمین ناظم آباد ٹاؤن سید محمد مظفر کی ہدایت پرڈائریکٹر سینی ٹیشن ظہیر احمدکا ناظم آباد ٹاؤن کے مختلف علاقوں میں ہیٹ اسٹروک ریلیف کیمپ قائم، ناظم آباد ٹاون میں ہیٹ اسٹروکس کے خلاف حفاظتی اقدامات کاآغاز، ناظم آباد ٹاون کے مختلف علاقوں میں ہیٹ اسٹروکس کیمپس قائم کردئے گئے،اسسٹنٹ کمشنرناظم آباد شائستہ جبین اور ڈاکٹر اسما شاہ کا ریلیف کیمپس کا دورہ، چیئرمین ناظم آباد ٹان سید محمد مظفرکی ہدایت پر کیمپس پرہیٹ اسٹروک سے بچاو کے لئے درکارتمام ضروری اشیااورسہولتیں فراہم کی جا رہی ہیں جن میں عوام اور راہگیروں کو ہیٹ اسٹروکس سے بچاو کی تمام ضروری سہولت کا انتظام ہے، کیمپس پر ٹھنڈے پانی، مشروبات، آئس بیگز، ORS، اور سائبان مہیا کرنے کے ساتھ فرسٹ ایڈ کی سہولت بھی فراہم کی جارہی ہے، چیئرمین ناظم آباد ٹان سید محمد مظفر کی ہدایت پر سینی ٹیشن، ریسکیو، اور یگر محکموں کے افسران اپنے عملے کے ساتھ شدید گرمی میں عوام کو ہیٹ اسٹروک سے بچانے کے لئے میدان عمل میں موجود ہیں اور اپنی خدمات سر انجام دے رہے ہیں۔

(جاری ہے)

گرمی کی حالیہ شدت کے پیشِ نظر چیئرمین ناظم آباد ٹاون سید محمد مظفر نے ہیٹ اسٹروک سے بچا کے لئے کیمپس لگانے کی ہدایت کی تاکہ عام عوام پریشان صورتِ حال سے دوچار ہوں تو نزدیکی ہیٹ اسٹروک کیمپ سے رجوع کرسکیں۔سید محمد مظفرنے متعلقہ افسران کو ہدایت کی کہ بازاروں،شاپنگ سینرز،بس اسٹاپس سمیت دیگر عوامی اجتماعات کی جگہوں پر ہیٹ اسٹروکس کے مراکز قائم کئے جائیں تاکہ گھروں سے باہر آنے والے افراد کو ہیٹ اسٹروک کی صورت حال سے فوری طور پر بچایا جاسکے، چیئرمین نے مزید کہا کہ گرمی کی شدت کم ہونے تک ناظم آباد ٹاون میں ہیٹ اسٹروکس ریلیف قائم رہیں گے۔