بچوں کے پولیو فری ہونے کے ساتھ ساتھ ماحولیاتی سیمپلز کا پولیو فری ہونا بھی لازمی ہے،ڈبلیو ایچ او

۔پولیو فری ایریا ہونے کیلیے کلیکٹو کوششوں کی بنیاد پر ہی کامیاب ہواجا سکتا ہے۔عائشہ رضا فاروقی پولیو فوکل پرسن پرائم منسٹر

پیر 21 اپریل 2025 21:20

ًلاہور (اُردو پوائنٹ اخبارتازہ ترین - آن لائن۔ 21 اپریل2025ء) کمشنر لاہور زید بن مقصود سے انسداد پولیو نیشنل ایکشن پلان کے حوالے سے ورلڈ ہیلتھ آرگنائزیشن اور نیشنل پولیو کوآرڈینیشن عہدیداران نے ملاقات کی اور اجلاس منعقد ہوا۔ کمشنر لاہور کی زیر صدارت اجلاس میں ڈبلیو ایچ او کی جانب سے کہا گیا کہ پنجاب لاہور میں انسداد پولیو کیلئے کافی کام ہو رہا ہے، مائکرو سطح پر مزید فوکس کیا جائے، بچوں کے پولیو فری ہونے کے ساتھ ساتھ ماحولیاتی سیمپلز کا پولیو فری ہونا بھی لازمی ہے، ڈبلیو ایچ او نے مزید کہا کہ لاہور میں مائیکرو پاپولیشن میپنگ بہترین ہوئی ہے، اپ سٹریم سیمپلز بھی کلیکٹ کیے جائیں گے۔

پولیو فوکل پرسن عائشہ رضا فاروقی نے کہا کہ پولیو فری ایریا ہونے کیلئے کلیکٹو کوششوں کی بنیاد پر ہی کامیاب ہوا جا سکتا ہے۔

(جاری ہے)

اجلاس میں ڈی سی لاہور سید موسٰی رضا نے ڈبلیو ایچ او کو انسداد پولیو اہداف حصول کیلیے پلاننگ پر بریفنگ دیتے ہوئے کہا ہے کہ لاہور کی پاپولیشن کی ڈیجیٹل مائکرو پلاننگ سے ہر دروازہ اور ایریا میں پولیو مہم کو سو فیصد یقینی بنایا جائیگا۔

کمشنر لاہور نے کہا ہے کہ انسداد پولیو مہم میں ٹرانزٹ پوائنٹس، خانہ بدوش و جھگیوں میں پولیو ویکسین کو سو فیصد یقینی بنایا جاتا ہے، ماحولیاتی سیمپلز کے ساتھ ساتھ ٹریک بیک سیمپلز کے سائنسی تجزیہ سے انسداد پولیو میں مدد مل سکتی ہے۔ انہوں نے مزید کہا کہ پولیو مرض زندگی بھر کی معزوری ہے، نجات کیلیے ہر سیکٹر میں سو فیصد کارکردگی ضروری ہے۔اجلاس میں عائشہ رضا فاروقی پولیو فوکل پرسن پرائم منسٹر، کیپٹن انوار نیشنل پولیو کوآرڈینیٹر، حامد جعفری ڈائریکٹر پولیو فار مشرقی ممالک، ڈاکٹر محمد صغیر ڈبلیو ایچ او ٹیم ہیڈ، ڈاکٹر صفدر سٹریٹیجک ایڈوائزر، فاطمہ فرام یونیسف، ڈی سی لاہور سید موسٰی رضا و دیگر افسران نے شرکت کی۔